2 Samuel 12:9 - Mbeti ti Nzapa - Tënë so amu fini

⁹ Ngbanga ti nyen si mo baa tënë ti mbi, KOTA GBIA, tongana mbumbuse ye si mo sara ye so anzere na mbi pepe so? Mo fâ Urii, zo ti mara ti Het. Mo laa mo sara kue titene azo ti mara ti Amon afâ lo. Na pekoni, mo mu wali ti lo ti ga wali ti mo.

2 Samuel 12:9 ပူးပေါင်းရင်းမြစ်များ

2 Samuel 11:4

David atokua azo ti ga na wali ni. Wali ni aga na da ti lo si lo lango na lo; na pekoni, wali ni akiri na da ti lo. Andaa lo *sukula fade *sioni na tere ti lo na peko ti so lo baa ya ti lo.

2 Samuel 12:10

Ti fadeso, tënë ti fango zo ayeke ngba lakue na ya ti da ti mo, ngbanga ti so mo baa mbi tongana mbumbuse ye si mo mu wali ti Urii, zo ti mara ti Het si lo ga wali ti mo.

2 Samuel 16:7

Shimei adeba David, atene: “Hon kâ, hon kâ, buba zo, zo ti fango zo!

1 Agbia 15:5

Biani, David asara ando ye so ayeke mbirimbiri na le ti KOTA GBIA. Na lango so kue lo ngba na fini, aye so kue KOTA GBIA amu yanga na lo ti sarango ni, lo ke ti sara ni laoko pepe. Me sioni ye oko so lo sara ni ayeke tënë ti Urii, zo ti mara ti Het.

1 Agbia 21:19

Fade mo tene na lo: ‘Tënë so KOTA GBIA atene ayeke so: Mo fâ zo awe! Fadeso, mo ga ti mu ye ti lo titene aga ti mo?’ Fade mo yeke kiri ti tene na lo: Tënë so KOTA GBIA atene ayeke so: ‘Na ndo so ambo asu mene ti Nabot daa, fade ambo ayeke su nga mene ti mo gi na oko ndo ni so!’ ”

2 Mbai 33:6

Lo gbi amolenge ti lo ti koli na wâ ti mu na *sandaga na ndo so ayeke na popo-hoto ti Hinom; lo gi nda ti aye, lo sara mazi, lo sara yoro; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

Abia (Psaumes) 51:14

Sara si mbi kiri mbi duti na ngia ndali ti so mo soo mbi awe; sara si Yingo ti mo amu na mbi ngangu; Yingo ti mo so ayeke sara nzoni ye na zo.

Abia (Psaumes) 51:16

O Nzapa, wasongo mbi, zi ngbanga ti mene na li ti mbi; ngbanga ti mene so mbi tuku so. Fade mbi yeke he bia na ngia ti fa ye ti mbirimbiri so mo sara na mbi.

Abia (Psaumes) 51:4

Sukula asioni ti mbi kue; zi siokpari ti mbi si mbi ga *nzoni.

Abia (Psaumes) 90:8

Mo zia asioni ti e na le ti mo, aye so e sara na gbe mingo asigigi polele na le ti mo.

Amato 14:2

Zo so sarango ye ti lo ayeke na legeni, lo yeke kpe mbeto ti KOTA GBIA; me zo so ayeke mu lege ti kirikiri, lo baa KOTA GBIA tongana mbumbuse ye.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Jérémie 18:10

Me tongana azo ti mara ni ake yanga ti mbi si ala sara ye so ayeke sioni na le ti mbi, nzoni ye so mbi leke na be ti mbi ti sara na ala, mbi yeke zia lege ni.

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

1 Samuel 15:19

Mo ma yanga ti KOTA GBIA pepe ngbanga ti nyen? Ngbanga ti nyen si mo gue daa hio ti ro aye na peko ti bira? Ngbanga ti nyen si mo sara ye so ayeke sioni na le ti KOTA GBIA?”

1 Samuel 15:23

Kengo yanga ayeke sioni tongana bingo zeke; sarango ngangu li ayeke sioni tongana sambelango anzapa nde. So mo ke yanga ti KOTA GBIA so, lo nga lo ke mo awe. Mo yeke gbia mbeni pepe.”

1 Samuel 15:26

Samuel atene na Saul: “Mbi na mo, e yeke kiri legeoko pepe. Mo ke yanga ti KOTA GBIA si lo nga lo ke mo awe. Mo yeke gbia ti Israel mbeni pepe.”