2 Samuel 12:7 - Mbeti ti Nzapa - Tënë so amu fini

⁷ Natan atene na David: “Koli so asara ye so, mo laa! Baa, tënë so KOTA GBIA, Nzapa ti Israel atene ayeke so: ‘Mbi laa mbi tuku mafuta na li ti mo titene mo ga gbia ti Israel. Mbi nga laa mbi zi mo na maboko ti Saul.

2 Samuel 12:7 ပူးပေါင်းရင်းမြစ်များ

2 Samuel 14:13

Wali ni atene: “Mo leke na be ti mo ti sara ye tongaso na azo ti Nzapa ngbanga ti nyen? Tënë so asigigi fade na yanga ti mo afa atene, mo sara sioni, ngbanga ti so mo sara pepe titene lo so lani mo tumba lo ti gue na mbeni kodro wande so, lo kiri.

2 Samuel 22:1

David ahe bia so na ngoi so *KOTA GBIA azi lo na maboko ti awato ti lo kue, nga na maboko ti Saul,

2 Samuel 22:49

Mo laa mo yeke zi mbi na maboko ti awato ti mbi; mo yeke sara si mbi hon ndö ti azo so alondo ti ke mbi; mo yeke zi mbi na maboko ti azo ti sarango ngangu na zo.

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

1 Agbia 14:7

Kiri, mo tene na Yeroboam, mo tene: Tënë so KOTA GBIA, Nzapa ti Israel atene ayeke so: ‘Kozoni mo yeke gi senge zo na popo ti azo ti Israel. Mbi mu mo, mbi sara si mo ga gbia ti azo ti Israel, azo ti mbi.

1 Agbia 18:18

Élie akiri tënë: “Mbi laa mbi ga na kpale na ndö ti Israel pepe; me mo na azo ti sewa ti mo. Biani, ala ke ti sara ye alingbi na andia ti *KOTA GBIA si ala gue ti voro anzapa *Baal.

1 Agbia 20:40

So kua agbu le ti mbi mbage na mbage, zo ti kanga ni akpe!” Gbia ti Israel atene na lo: “Mo wani, mo fâ ngbanga ti mo awe!”

1 Agbia 20:42

Tongaso wayanga-Nzapa ni atene na lo: “Tënë so KOTA GBIA atene ayeke so: ‘Lani, mbi zia koli so titene a fâ lo; me mo zi maboko na tere ti lo si lo kpe, lo hon. Fadeso, mo laa mo yeke wara kuâ na peko ti lo si azo ti kodro ti mo ayeke wara nga kuâ na peko ti azo ti kodro ti lo.’ ”

Abia (Psaumes) 18:1

Bia so ayeke ndali ti makonzi-bia. Bia ti David, zo ti kua ti *KOTA GBIA. Lo he bia so na ngoi so KOTA GBIA azi lo na maboko ti awato ti lo kue, nga na maboko ti Saul.

Jérémie 34:6

Wayanga-Nzapa Jérémie atene atënë so kue na Sedesias, gbia ti Juda; lo tene atënë ni na Jérusalem.

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Matthieu 14:14

So Jésus asigigi na ya ti ngo ni, lo baa gba ti azo; mawa ti ala agbu lo si lo kai kobela ti azo so ayeke na kobela.

1 Samuel 13:13

Samuel atene na Saul: “Mo sara ye tongana zo so li ti lo ayeke daa pepe. Tënë so KOTA GBIA, Nzapa ti mo atene na mo so, mo sara ye alingbi na ni pepe. Tongana mo sara fade ye alingbi na ni, ka lo zia mo, na *ahale ti mo ti duti gbia na ndö ti azo ti Israel kpu na kpu.

1 Samuel 15:17

Samuel atene: “So mo yeke baa tere ti mo wani lani tongana kete zo so, KOTA GBIA laa asara si mo ga makonzi na li ti azo ti Israel pepe? Lo tuku mafuta na li ti mo si mo ga gbia ti azo ti Israel.

1 Samuel 16:13

Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

1 Samuel 18:11

Saul ayo likongo ni na nduzu si lo tene na be ti lo, lo tene: “Fade mbi yeke kpo David, mbi pete lo na tere ti dere ti da.” Me fani use, David akpe na le ti likongo ni.

1 Samuel 18:21

Saul atene na be ti lo, atene: “Fade mbi yeke mu na lo Mikal titene lo ga tongana kuku si azo ti Filistii alingbi ti zia maboko na ndö ti David.” Nilaa, fani use, Saul atene na David: “Laso, mo yeke ga kogara ti mbi.”

1 Samuel 23:14

David angba na benyama ti Zif. Lo lango na ya ti du ti têne, na ndö ti ahoto, na ya ti benyama. Saul angba lakue ti gi lo, me Nzapa azia lo na maboko ti Saul pepe.

1 Samuel 23:7

Azo ague, atene na Saul, atene, David asi na Keila awe. Nilaa Saul atene: “Nzapa azia lo na maboko ti mbi awe, ngbanga ti so lo li na ya ti gbata so gbagba ayeke na tere ni si a kanga yanga ni na angbongboro wen; lo kanga tere ti lo wani awe.”