2 Samuel 12:24 - Mbeti ti Nzapa - Tënë so amu fini

²⁴ David ague, ade be ti wali ti lo Batsheba. Lo na lo abongbi. Batsheba adu molenge-koli si David adi iri ti lo Salomon. *KOTA GBIA aye molenge ni.

2 Samuel 12:24 ပူးပေါင်းရင်းမြစ်များ

2 Samuel 12:25

KOTA GBIA amu yanga na wayanga-Nzapa Natan ti zia iri na ndö ti molenge ni. Nilaa Natan adi iri ti molenge ni Yedidia, so ti tene “KOTA GBIA aye lo”.

2 Samuel 5:14

Iri ti amolenge so awali ni adu na lo na Jérusalem ayeke so: Shamua, Shobab, Natan, Salomon,

2 Samuel 7:12

Tongana ngoi ti mo alingbi awe titene mo gue ti wara akotara ti mo, fade mbi yeke mu mbeni *hale ti mo, so ti tene lo so mo du lo, titene lo ga gbia. Mbi yeke sara titene lengo-gbia ti lo akpengba.

1 Agbia 1:10

Me lo tisa wayanga-Nzapa Natan, Benaya, akpengba turugu ti gbia David nga na ita ti lo Salomon pepe.

1 Agbia 1:11

Tongaso, Natan aga abaa Batsheba, mama ti Salomon si atene na lo: “Adonia, molenge ti Hagite aga gbia awe; me David, gbia ti e ahinga tënë ni oko pepe. Mo ma tënë so pepe?

1 Mbai 29:1

Gbia David atene na bongbi ti azo ni kue: “Molenge ti mbi Salomon ayeke zo so Nzapa asoro lo, lo ngba maseka si ade lo kpengba pepe. Andaa kua ni akono mingi, ngbanga ti so a yeke sara yangbo ni ndali ti zo pepe, me a yeke sara ni ndali ti *KOTA GBIA Nzapa.

1 Mbai 3:5

Amolenge so lo du ala na Jérusalem laa: Batsheba, molenge ti Amiel ti wali adu na lo amolenge osio: Shima, Shobab, Natan na Salomon.

Néhémie 13:26

Mbi tene na ala, mbi tene: “Ndali ti mungo awali wande laa Salomon, gbia ti azo ti Israel, asara siokpari pepe? Na popo ti amara mingi, mbeni gbia ti lingbi na lo ayeke daa pepe. Nzapa ti lo aye lo si amu lo ti ga gbia ti Israel kue. Andaa awali wande asara si Salomon ati na ya ti siokpari.

Amato 4:3

Mbi nga, mbi yeke lani nzoni molenge ti babâ ti mbi; mama ti mbi aye mbi mingi tongana oko molenge.

Matthieu 1:6

Obed adu Yese, Yese adu gbia David. David na wali ti Urii adu Salomon;

Ndia ti fani use ni 33:12

Ndali ti mara ti Benjamin, Moïse atene: “KOTA GBIA aye mara ti Benjamin mingi. So lo yeke na tere ti KOTA GBIA, mbeni ye ti sara lo ayeke daa pepe. Nzapa ti lo ayeke bata lo lakue, lo duti na popo ti akete hoto ti lo.”