2 Samuel 12:16 - Mbeti ti Nzapa - Tënë so amu fini

¹⁶ David avoro Nzapa ndali ti molenge ni, lo ke kobe ti sambela. Na bi, na da ti lo, lo yeke lango gi na sese.

2 Samuel 12:16 ပူးပေါင်းရင်းမြစ်များ

2 Samuel 12:15

Na pekoni, Natan akiri na da ti lo. Molenge so wali ti Urii adu na David so, *KOTA GBIA apika lo na kobela.

2 Samuel 12:22

David atene: “So lani molenge ni angba na fini, mbi ke ti te kobe si mbi toto, ngbanga ti so mbi tene na be ti mbi, mbi tene: ‘Mbi hinga pepe, wala KOTA GBIA ayeke baa mawa ti mbi si molenge ni ayeke kui pepe.’

2 Samuel 13:31

Gbia alondo, lo suru bongo na tere ti lo si lo lango na sese. Azo ti kua ti lo kue ayeke luti na tere ti lo na surungo bongo na tere ti ala.

1 Agbia 21:27

So Akab ama atënë so Élie atene, lo suru bongo na tere ti lo, lo yu bongo ti mua si lo ke kobe ti sambela. Na bi, lo yeke lango na bongo ti mua ni na tere ti lo si lo yeke tambula gi yeke-yeke.

Néhémie 1:4

So mbi ma atënë so, mbi duti na sese, mbi toto; na ya ti ambeni lango, mbi sara mawa, mbi ke kobe, mbi sambela Nzapa ti yayu,

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 69:10

Biani, nzara ti da ti mo agbi mbi tongana wâ, zongango so azo azonga mo ati na ndö ti mbi.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Ésaïe 26:16

KOTA GBIA, na ya ti ye ti ngangu, e baa ndo na mbage ti mo. Na ndembe so mo pika e, e yeke sambela mo na gbe ti go ti e.

Daniel 6:18

Azo aga na têne si ala zia ni na ndö ti yanga ti du ni. Gbia akpo nzoroko ti lo wani na ndö ni nga na ti akota zo ti lo, tongaso si mbeni zo aga ti sara ye nde na Daniel pepe.

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Jonas 3:9

E hinga pepe, fade Nzapa ayeke zia lege ti ye so lo leke na be ti lo ti sara; e hinga pepe, fade ngonzo so agbu lo mingi so akai si e kui pepe.”

Awatokua 9:9

Na ya ti lango ota, lo baa ndo pepe, lo te kobe pepe si lo nyon nga ngu pepe.

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.