2 Samuel 12:14 - Mbeti ti Nzapa - Tënë so amu fini

¹⁴ Me ye oko, mo bi buba na tere ti KOTA GBIA, nilaa molenge so a du lo na mo so ayeke kui.”

2 Samuel 12:14 ပူးပေါင်းရင်းမြစ်များ

2 Samuel 12:15

Na pekoni, Natan akiri na da ti lo. Molenge so wali ti Urii adu na David so, *KOTA GBIA apika lo na kobela.

Néhémie 5:9

Mbi tene na ala: “Ye so ala yeke sara so ayeke nzoni pepe. Ayeke fade nzoni titene ala duti na kpengo mbeto ti Nzapa ti e; tongaso si azo ti amara nde so ayeke awato ti e awara lege pepe ti zonga e!

Abia (Psaumes) 69:6

Nzapa, mo hinga buba ti mbi kue, asioni ti mbi ahonde na le ti mo pepe.

Abia (Psaumes) 74:10

Nzapa, zo ti kengo mo ayeke ngba ti zonga mo ngbii asi lawa? Fade wato ayeke ngba ti zonga iri ti mo lakue?

Abia (Psaumes) 94:12

KOTA GBIA, ti lo nzoni, zo so mo fa nzoni lege na lo, zo so mo fa ye na lo na lege ti *Ndia ti mo!

Abia (Psaumes) 99:8

KOTA GBIA Nzapa ti e, mo wani, mo yeke kiri ando tënë na ala; mo yeke Nzapa so mo yeke zi siokpari na li ti ala, me mo yeke kiri nga na ala peko ti sioni ti ala.

Ésaïe 52:5

Fadeso, nyen laa mbi yeke wara na peko ni, nyen? A mu azo ti mbi a gue na ala na ngbaa, a futa mbeni ye pepe. Azo so asara komandema na ndö ti ala adekongo ti songo benda – so tënë ti yanga ti KOTA GBIA laa. Lakue, ala yeke zonga iri ti mbi.

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Matthieu 18:7

So ayeke ye ti mawa mingi na azo ti dunia! Aye mingi ayeke daa so ayeke sara si azo azia lege ti mabe ti ala. Biani, aye ni so ayeke duti ande daa lakue, me mawa na zo so asara si aye ni asi!

Rome 2:24

Biani, Mbeti ti Nzapa atene: “Ndali ti ala azuife, azo ti amara nde ayeke zonga iri ti Nzapa.”

1 Korente 11:32

Me Kota Gbia afâ ngbanga ti e si lo pika e titene lo fâ ngbanga na li ti e tongana ti tanga ti azo ti dunia so pepe.

Ahebro 12:6

ngbanga ti so zo so Kota Gbia aye lo, lo yeke pika lo ti kiri na lo na nzoni lege. Azo so kue lo mu ala tongana amolenge ti lo, lo yeke pika ala na zaza.”

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!