2 Samuel 12:1 - Mbeti ti Nzapa - Tënë so amu fini

¹ *KOTA GBIA atokua wayanga-Nzapa Natan na David. Natan ague, awara lo si atene na lo: “Na ya ti mbeni kodro, akoli use ayeke daa; mbeni ayeke zo ti mosoro, mbeni ayeke zo ti mawa.

2 Samuel 12:1 ပူးပေါင်းရင်းမြစ်များ

2 Samuel 11:25

David atene na zo ti tokua ni: “Gue mo tene na Yoab, mo tene: ‘Ye so asi so, ayeke nzoni mo zia be ti mo na ndö ni mingi pepe. Na ya ti bira kue, kuâ ayeke kui ka mbage na mbage. Ayeke nzoni mo sara kue ti sara bira na gbata ni, mo buba ni kue.’ Ti mo, zo ti tokua ni, mo mu ngangu na be ti lo.”

2 Samuel 12:2

Zo ti mosoro ni ayeke na ataba na abagara mingi.

2 Samuel 14:14

Mbeni lâ, fade e kue, e yeke kui. E yeke tongana ngu so zo atuku na sese si lo lingbi ti kiri ti to ni pepe. Me ye so Nzapa adiko laa pepe ndali ti lo so a tumba lo ti gue na mbeni kodro yongoro; me Nzapa aleke na be ti lo titene zo ni angba yongoro na lo pepe.

2 Samuel 7:17

Natan atene na David peko ti aye so kue KOTA GBIA afa na lo na ya ti mbeni ye tongana bango-li.

1 Agbia 1:8

Me wayango-sandaga Sadok, na Benaya, molenge ti Yoyada, na wayanga-Nzapa Natan, Shimei, Rei nga na akpengba turugu ti gbia David ake ti mu peko ti Adonia.

1 Agbia 13:1

Andaa mbeni zo ti Nzapa alondo na sese ti Juda aga na Betel alingbi na yanga so *KOTA GBIA amu. Na ndembe ni so, Yeroboam angba ti gbi sandaga na ndö ti gbalaka.

1 Agbia 18:1

Lango mingi ahon na pekoni, na ngu ota ni so ngu apika pepe, tënë ti *KOTA GBIA asi na Élie, atene: “Gue mo fa tere ti mo na gbia Akab; fade mbi yeke tokua ngu-Nzapa na ndö ti sese.”

1 Agbia 21:18

“Londo, mo gue, mo wara Akab, gbia ti Israel so ayeke lango na Samarii. Na ndembe so, lo yeke na ya ti yaka ti *vinye ti Nabot; lo gue kâ ti mu yaka ni titene aga ti lo.

1 Agbia 4:5

Azaria, molenge ti Natan ayeke makonzi ti agovoronere; Zabud, molenge ti Natan ayeke wayango-sandaga si lo yeke wamungo-wango na gbia;

2 Agbia 1:3

Me *ange ti *KOTA GBIA aga atene na Élie, zo ti gbata ti Tishebe, atene: “Londo, mo gue, mo wara azo so gbia ti Samarii atokua ala so; mo tene na ala, mo tene: ‘Nzapa ayeke na Israel pepe? Ala gue ti hunda Baal-Zebub, nzapa ti gbata ti Ekron ngbanga ti nyen?’

1 Mbai 29:29

Atënë na ndö ti gbia David, na tongo nda ni ngbii asi na ndani, a su na ya ti abuku ti ambai ti awayanga-Nzapa Samuel, Natan na Gad.

Ésaïe 39:3

Na pekoni, wayanga-Nzapa Ésaïe aga awara gbia Ezekias si ahunda lo, atene: “Azo so atene na mo nyen? Ala londo na ndo wa?” Ezekias akiri tënë: “Ala londo na yongoro ndo, na Babilone, ti ga ti baa mbi.”