2 Samuel 11:2 - Mbeti ti Nzapa - Tënë so amu fini

² Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

2 Samuel 11:2 ပူးပေါင်းရင်းမြစ်များ

Tongo nda ti aye 12:11

So ala ga nduru ti si na Ezipte, lo tene na wali ti lo Sarai, lo tene: “Baa, mbi hinga so mo yeke pendere wali mingi.

Tongo nda ti aye 3:6

Wali ni abaa so ale ti keke ni ayeke nzoni titene zo ate ni; ayeke pendere titene zo abaa ni si ayeke nzoni ti sara si zo ahinga ndo. Lo mu mbeni le ni, lo te, lo mu nga na koli ti lo so ayeke na tere ti lo si lo kue, lo te ni.

Tongo nda ti aye 34:2

Sishem, molenge ti Hamor, zo ti mara ti Hivi, makonzi ti kodro ni, abaa Dina, lo mu lo, lo hon na lo, lo gbu lo na ngangu si lo lango na lo.

Tongo nda ti aye 39:6

Potifar azia aye ti lo kue na maboko ti Joseph. So lo wara Joseph awe, lo zia be ti lo na ndö ti mbeni ye oko pepe, gi na ndö ti kobe so lo yeke te so, awe. Joseph ayeke mbeni maseka-koli so lo yeke pendere mingi si lo nzere na le ti azo.

Tongo nda ti aye 6:2

amolenge-koli ti Nzapa abaa so amolenge-wali ti azo ni ayeke pendere mingi. Ala soro ambeni molenge-wali ni si ala mu ala ti ga awali ti ala.

2 Samuel 13:1

Ye so asi na peko ni ayeke so: Absalom, molenge ti David ayeke na mbeni ita ti lo ti wali so apendere mingi; iri ti lo Tamar. Amnon so ayeke nga mbeni molenge ti David asara nzara ti Tamar.

2 Samuel 14:27

Absalom adu amolenge-koli ota nga na molenge-wali oko. Iri ti molenge-wali ni ayeke Tamar; lo yeke pendere mingi.

2 Samuel 4:5

Rekab na Baana, amolenge ti Rimon, zo ti gbata ti Beerot ague na ndo ti Ishebaal. Ala si kâ na bekombite na ngoi so ndo-wâ ayeke mingi. Ishebaal angba ti lango.

2 Samuel 4:7

So ala li fade na ya ti da ni, andaa Ishebaal ayeke lango na ndö ti gbogbo ti lo, ala kpo lo si ala fâ lo. Ala mu li ti lo si ala tambula bi bi bi ahon na lege so ague na Araba.

Mbeti ti Job 31:1

Mbi na le ti mbi, e use kue, e deba titene mbi baa maseka-wali na nzara ni pepe.

Abia (Psaumes) 119:37

Sara si le ti mbi angba na ndö ti buba ye pepe, sara si mbi kiri mbi duti na fini ti mu lege so mo fa.

Amato 19:15

Sopo ayeke sara si zo ati na ya ti kota lango; zo so asara kua pepe, nzara ayeke fâ lo.

Amato 31:30

Pendere ayeke handa zo; pendere ti tere ayeke ninga pepe. Gi wali so akpe mbeto ti KOTA GBIA, wali so alingbi titene azo agonda lo laa.

Amato 6:25

Mo sara nzara ti mara ti wali tongaso ndali ti pendere ti lo pepe; ayeke nzoni le ti lo so lo yeke sara ti handa na akoli so, agboto mo pepe.

Amato 7:8

Lo yeke hon na lege, nduru na ndo so wali ni so ayeke daa. Lo mu lege ti gue na da ti wali ni.

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Matthieu 10:27

Tënë so mbi yeke tene na ala na ya ti vukongo ndo, ala tene tënë ni na kota lâ; tënë so a tene gi na ya ti mê ti ala, ala dekongo na ni na ndö ti da.

Matthieu 24:17

zo so ayeke duti na li ti da ti lo, alingbi lo zu na sese pepe ti mu ye so ayeke na ya ti da ni;

Matthieu 5:28

Ti mbi, mbi tene na ala: zo so abaa wali ti mba ti lo si asara nzara ti wali ni, andaa na be ti lo, lo gi wali ni awe.

Awatokua 10:9

Lango oko na pekoni, ala yeke na lege ti gue si ala ga nduru ti si na Zope. Nduru na bekombite, Pierre ague na li ti da ti sambela.

Ndia ti fani use ni 22:8

Tongana mo sara fini da, alingbi mo leke kete gbagba angoro li ti da ni na nduzu. Tongaso, fade tënë ayeke ga na li ti mo pepe, tongana mbeni zo alondo na li ti da ni ati akui.

Ndia ti fani use ni 5:21

“Alingbi mo sara nzara ti wali ti mba ti mo pepe; mo sara nzara ti ye so mba ti mo ayeke na ni pepe, ataa yaka ti lo, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo.”

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

1 Jean 2:16

Aye ti dunia ni, so ti tene asioni nzara ti be ti zo, sarango nzara ti aye so anzere na le ti zo nga na baba so azo ayeke sara ndali ti aye so ala wara, aye so kue alondo na Babâ pepe, me alondo na dunia so.

1 Samuel 9:25

Na pekoni, ala londo na ndö ti hoto si ala kiri na kodro. Samuel na Saul asara lisoro na li ti da, na ndo so a leke titene azo aduti daa.