2 Samuel 11:16 - Mbeti ti Nzapa - Tënë so amu fini

¹⁶ Yoab abaa gbata ni nzoni awe, gbata so a ngoro ni na bira awe. Lo zia Urii na ndo so lo hinga lo tene, akpengba turugu ti awato ayeke daa.

2 Samuel 11:16 ပူးပေါင်းရင်းမြစ်များ

2 Samuel 11:15

Lo su na ya ti mbeti ni, lo tene: “Ala zia Urii na mbeni ndo so bira ayeke kporo daa ngangu; ala kiri ti ala na peko, ala zia gi lo oko si awato apika lo afâ lo.”

2 Samuel 11:17

Azo ti gbata ni asigigi ti tiri bira na Yoab. Ala fâ ambeni turugu na ambeni turugu ti kota kamba ti David. Ala fâ nga Urii, zo ti mara ti Het.

2 Samuel 11:21

Zo wa laa afâ Abimelek, molenge ti Yerubaal so? Ayeke mbeni wali pepe? Wali ni abi kota têne na li ti gbagba, ati na ndö ti lo si lo kui na gbata ti Tebes! Ala gue nduru na tere ti gbagba ni ngbanga ti nyen?’ Tongana gbia atene na mo tongaso, fade mo yeke tene na lo, mo tene: ‘Turugu ti mo ti kota kamba Urii, zo ti mara ti Het nga akui.’ ”

2 Samuel 3:27

So Abner akiri na Hebron awe, Yoab amu lo yeke, ala hon yongoro kete, na yanga ti gbagba ti gbata ni, mo baa mo tene, lo ye ti tene mbeni tënë na lo so abaa gi ala use. Kâ, Yoab akpo ya ti Abner, lo fâ lo ndali ti ita ti lo Asael so lani Abner afâ lo so.

1 Agbia 2:5

David akiri atene na Salomon: “Sioni so kue Yoab, so iri ti mama ti lo ayeke Seruya, asara na mbi, mo hinga ni kue. Lo laa lo fâ amakonzi use ti aturugu ti Israel, Abner, molenge ti Ner na Amasa, molenge ti Yeter. Na fango azo ni, Yoab atuku mene ti azo na ngoi so kodro ayeke na siriri. Tongaso abongo ti lo kue gi na mene si tënë ni ayeke na li ti lo wani.

2 Agbia 10:6

Yehu atokua na ala use mbeti, atene: “Tongana ala yeke na peko ti mbi si ala ye ti ma yanga ti mbi, ayeke nzoni ala mu li ti amolenge ti gbia ti ala, ala ga na ni na mbi na gbata ti Yizreel, kekereke gi na oko ngbonga so.” Andaa amolenge balembarambara ti gbia ayeke na ndo ti akota zo ti gbata ni, akota zo so ayeke bata ala so.

Amato 29:12

Tongana mbeni makonzi adingi mê ti lo ti ma gi atënë ti mvene, azo ti gbe ti lo kue ayeke ga azo ti sioni.

Osée 5:11

“Azo asara ngangu mingi na Efraim, azo afâ ngbanga ti lo na legeni oko pepe, ngbanga ti so lo ye ti kpe gi na peko ti asenge senge ye.

Awatokua 5:29

Pierre na awatokua akiri tënë: “Alingbi e ma yanga ti Nzapa ahon ti azo.