2 Samuel 11:15 - Mbeti ti Nzapa - Tënë so amu fini

¹⁵ Lo su na ya ti mbeti ni, lo tene: “Ala zia Urii na mbeni ndo so bira ayeke kporo daa ngangu; ala kiri ti ala na peko, ala zia gi lo oko si awato apika lo afâ lo.”

2 Samuel 11:15 ပူးပေါင်းရင်းမြစ်များ

2 Samuel 11:16

Yoab abaa gbata ni nzoni awe, gbata so a ngoro ni na bira awe. Lo zia Urii na ndo so lo hinga lo tene, akpengba turugu ti awato ayeke daa.

2 Samuel 11:17

Azo ti gbata ni asigigi ti tiri bira na Yoab. Ala fâ ambeni turugu na ambeni turugu ti kota kamba ti David. Ala fâ nga Urii, zo ti mara ti Het.

2 Samuel 12:9

Ngbanga ti nyen si mo baa tënë ti mbi, KOTA GBIA, tongana mbumbuse ye si mo sara ye so anzere na mbi pepe so? Mo fâ Urii, zo ti mara ti Het. Mo laa mo sara kue titene azo ti mara ti Amon afâ lo. Na pekoni, mo mu wali ti lo ti ga wali ti mo.

1 Agbia 15:5

Biani, David asara ando ye so ayeke mbirimbiri na le ti KOTA GBIA. Na lango so kue lo ngba na fini, aye so kue KOTA GBIA amu yanga na lo ti sarango ni, lo ke ti sara ni laoko pepe. Me sioni ye oko so lo sara ni ayeke tënë ti Urii, zo ti mara ti Het.

Abia (Psaumes) 51:14

Sara si mbi kiri mbi duti na ngia ndali ti so mo soo mbi awe; sara si Yingo ti mo amu na mbi ngangu; Yingo ti mo so ayeke sara nzoni ye na zo.

Abia (Psaumes) 51:4

Sukula asioni ti mbi kue; zi siokpari ti mbi si mbi ga *nzoni.

Zo ti bongbingo azo 8:11

Zo so asara sioni, a yeke fâ ngbanga na li ti lo hio pepe. Ndani laa azo ayeke na nzara ti sara sioni.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Jérémie 20:13

Ala he bia ndali ti KOTA GBIA! Ala he bia ti sepela na lo! Lo laa lo yeke zi zo ti mawa na maboko ti azo ti sioni.

1 Samuel 18:17

Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”

1 Samuel 18:21

Saul atene na be ti lo, atene: “Fade mbi yeke mu na lo Mikal titene lo ga tongana kuku si azo ti Filistii alingbi ti zia maboko na ndö ti David.” Nilaa, fani use, Saul atene na David: “Laso, mo yeke ga kogara ti mbi.”

1 Samuel 18:25

Saul atene: “Ala tene na lo, atene: ‘Gbia ahunda titene mo ka nginza na peko ti wali ni pepe. Me lo hunda gi *pito ngbangbo oko ti azo ti Filistii tongana kiringo peko ti sioni na awato ti lo.’ ” Saul aleke fade ye kue titene David ati na maboko ti azo ti Filistii.