2 Samuel 11:11 - Mbeti ti Nzapa - Tënë so amu fini

¹¹ Urii akiri tënë na David, atene: “Sanduku ti *mbuki ti *KOTA GBIA, aturugu ti Israel na ala ti Juda kue ayeke lango na gbe ti da ti bongo. Makonzi ti aturugu Yoab na aturugu ti lo ti kota kamba ayeke lango na ya ti ngonda si mbi, mbi gue ti mbi na da ti mbi ti te kobe, ti nyon ye, ti lango na tere ti wali ti mbi? Gbia ayeke na fini! Mbi yeke sara mara ti ye tongaso laoko pepe.”

2 Samuel 11:11 ပူးပေါင်းရင်းမြစ်များ

2 Samuel 11:10

Azo ague, atene tënë ni na David, atene: “Urii ague na da ti lo pepe.” David atene na Urii: “Mo londo na yongoro ndo laa mo ga so pepe? Ngbanga ti nyen laa mo gue na da ti mo pepe?”

2 Samuel 14:19

Gbia ahunda wali ni: “Yoab ayeke na gbe ti atënë so mo tene so pepe?” Wali ni akiri tënë: “Gbia ayeke na fini! Mbi lingbi ti handa mo pepe! Biani, zo ti kua ti mo Yoab laa amu na mbi yanga; lo fa na mbi atënë so kue mbi lingbi fade ti tene.

2 Samuel 20:6

Tongaso David atene na Abishai: “Fadeso, Sheba, molenge ti Bikri ayeke sara sioni mingi na e ahon ti Absalom. Mo mu aturugu ti mbi, mo tumba peko ti koli so kozo titene lo gue, lo honde tere ti lo na ya ti agbata so angangu gbagba ayeke na tere ni.”

2 Samuel 7:2

gbia atene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti Nzapa ayeke lango na gbe ti da ti bongo.”

2 Samuel 7:6

Na lango so mbi sara si azo ti Israel asigigi na sese ti Ezipte ngbii asi laso, mbi de mbi lango na ya ti mbeni da pepe; me na ya ti tambula ti mbi, mbi yeke lango gi na gbe ti da ti bongo.

Wungo ti azo 32:6

Moïse akiri tënë na ala, atene: “Nyen! A-ita ti ala ayeke gue ti tiri bira si ala ngba ti ala ge senge senge?

Jean 13:14

Mbi so mbi yeke Wafango-ye si mbi yeke nga Kota Gbia, mbi sukula gere ti ala, alingbi ala nga, ala sukula gere ti ala na popo ti ala.

2 Timothée 2:12

tongana e gbu ngangu, fade e na lo kue, e yeke le-gbia; tongana e bere tënë ti lo, fade lo nga, lo yeke bere tënë ti e;

1 Samuel 1:26

Anne atene na Heli: “Babâ, mbi gbu gere ti mo; mo laa mo ngba na le ti mo so. Wali so lani aluti na tere ti mo ge ti sambela KOTA GBIA so, ayeke mbi.

1 Samuel 14:18

Saul atene na Ahia: “Mu sanduku ti *mbuki ti Nzapa, mo ga na ni.” Biani, na lango ni so sanduku ti mbuki ti Nzapa ni ayeke na ya ti bâbâ ti azo ti Israel.

1 Samuel 17:55

So Saul abaa David amu lege ti gue ti tiri bira na zo ti Filistii so, lo hunda Abner, makonzi ti aturugu, lo tene: “Abner, babâ ti molenge-koli so ayeke zo wa?” Abner akiri tënë: “Gbia, mo laa mo ngba na fini le ti mo so, mbi hinga ye oko daa pepe.”

1 Samuel 20:3

David akiri adeba yanga ti lo, atene: “Babâ ti mo ahinga kue atene, mo ye mbi mingi. Lo tene na be ti lo, lo tene: ‘Ayeke nzoni Jonatan ahinga tënë so pepe ngbanga ti be ti lo aso.’ *KOTA GBIA ayeke na fini! Mo nga, mo yeke na fini! Angba kete ka mbi kui.”

1 Samuel 25:26

*KOTA GBIA ayeke na fini! Mo nga, mo yeke na fini! KOTA GBIA laa akanga lege na mo, babâ ti mbi titene mo ga, mo tuku mene ti azo pepe si mo fâ nga ngbanga ti mo, mo wani pepe. Ayeke nzoni ye so asi na Nabal asi na awato ti mo, ala so ayeke gi lege ti fâ mo so.

1 Samuel 4:4

Aturugu ni atokua ambeni zo na Silo. Ala gue, aga na sanduku ti mbuki ti KOTA GBIA, lo so lo yeke na ndö ti dunia kue si lo yeke duti na ndö ti *asheruben. Andaa amolenge ti Heli use, Hofni na Pinas ayeke na tere ti sanduku ti mbuki ni.