2 Samuel 10:18 - Mbeti ti Nzapa - Tënë so amu fini

¹⁸ Me azo ti Sirii agbu le ni pepe si ala kpe na dawa ti azo ti Israel. David na aturugu ti lo afâ azo ti kpengo na apusu ti mbarata ti azo ti Sirii 700, azo ti kpengo na mbarata 40 000. Lo zia ka na tere ti Shobak, makonzi ti aturugu ti Sirii si lo kui gi na ndo so.

2 Samuel 10:18 ပူးပေါင်းရင်းမြစ်များ

2 Samuel 10:17

A tene tënë ni na David; lo bongbi aturugu ti Israel kue, lo na ala afâ ngu ti Jourdain si ala si na Helam. Azo ti Sirii aleke tere ti ala abaa le na David tiri bira na lo.

2 Samuel 8:4

David agbu aturugu 1 700 so ayeke kpe na ambarata nga na asenge turugu 20 000. Lo fâ akamba ti gere ti ambarata so kue ayeke kpe na pusu, me lo bata ambeni mbarata ni 100 ndali ti lo wani.

1 Agbia 11:24

Na ngoi ni so, David afâ aturugu ti Hadadezer mingi. Tongaso Rezon abongbi azo na tere ti lo si lo ga makonzi ti ala. Lo gue na Damas, lo sara kodro kâ. Na pekoni lo le-gbia na Damas.

1 Mbai 19:18

Me azo ti Sirii agbu le ni pepe si ala kpe na dawa ti azo ti Israel. David na aturugu ti lo afâ azo ti kpengo na apusu ti mbarata 7 000, asenge turugu 20 000. Lo fâ nga Shofak, kota makonzi ti aturugu ni.

Abia (Psaumes) 18:38

Mbi yeke tumba peko ti awato ti mbi, mbi wara ala, mbi yeke kiri gi tongana mbi fâ ala kue si.

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 68:2

Tongana Nzapa ayeke londo, awato ti lo ayeke kangbi kirikiri, azo ti kengo lo ayeke kpe na le ti lo.

Awafango-ngbanga 4:2

Nilaa KOTA GBIA azia ala na maboko ti Yabin, gbia ti Kanaan; lo yeke lango na gbata ti Hasor. Makonzi ti aturugu ti lo ayeke Sisra; Sisra ayeke lango ti lo na Harosheth-Goim.

Awafango-ngbanga 4:22

Barak angba ti tumba peko ti Sisra. So lo si awe, Yael asigigi ayamba lo si atene na lo: “Mo ga, mbi fa na mo koli so mo yeke gi lo so.” Barak ali na da ti Yael, lo baa gi kuâ ti Sisra laa alango na sese; keke ti da ni angba na ya ti li ti lo.

Awafango-ngbanga 5:26

Na mbeni maboko ti lo, lo gbu keke so yanga ni aza si na maboko ti lo ti koli, lo gbu martoo ti azo ti kua. Lo pika li ti Sisra si bio ni asuru; lo koro ya ti li ti lo.