2 Samuel 10:12 - Mbeti ti Nzapa - Tënë so amu fini

¹² Mo gbu ngangu, e sara ye ti koli ndali ti azo ti e nga ndali ti agbata ti Nzapa ti e. Ayeke nzoni *KOTA GBIA asara ye so be ti lo aye.”

2 Samuel 10:12 ပူးပေါင်းရင်းမြစ်များ

2 Samuel 10:11

Yoab atene: “Tongana azo ti Sirii ahon ndö ti mbi, fade mo yeke ga ti mu maboko na mbi. Me tongana azo ti Amon laa ahon ndö ti mo, fade mbi yeke ga ti mu maboko na mo.

2 Samuel 15:26

Me tongana KOTA GBIA aye tënë ti mbi pepe, ayeke nzoni lo sara na mbi tongana ti so be ti lo aye.”

1 Mbai 19:13

Mo gbu ngangu, e sara ye ti koli ndali ti azo ti e nga ndali ti agbata ti Nzapa ti e. Ayeke nzoni *KOTA GBIA asara ye so be ti lo aye.”

2 Mbai 32:7

“Ala gbu ngangu, ala kanga be ti ala! Ala sara mbeto pepe, ala do na mbeto pepe na dawa ti gbia ti Asirii na gba ti azo so amu peko ti lo so. Biani, ngangu so ayeke na e ayeke mingi ahon ti lo.

Néhémie 4:14

Na ndo so kue ala yeke daa, tongana ala ma toto ti didi, ala bongbi na tere ti mbi. Fade Nzapa ti e ayeke tiri bira ndali ti e!”

Néhémie 4:8

Mbi baa ndo, na pekoni mbi londo, mbi tene na akota zo, amakonzi nga na tanga ti azo ni, mbi tene: “Ala sara mbeto ti awato ni pepe! Ala dabe ti ala so *KOTA GBIA so ayeke kota, lo yeke mu mbeto na zo. Ala tiri bira ndali ti a-ita ti ala, amolenge ti ala ti koli na ti wali, awali ti ala nga na ada ti ala.”

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Mbeti ti Job 1:21

si lo tene: “Mbi sigigi na ya ti mama ti mbi, tere ti mbi senge; mbi yeke kiri na ya ti sese, tere ti mbi senge. KOTA GBIA amu ye na mbi, KOTA GBIA akiri amu ye ti lo. Ayeke nzoni e mu singila na KOTA GBIA!”

Wungo ti azo 13:20

Ala baa wala sese ni ayeke le kobe mingi wala ayeke le kobe mingi pepe; akeke ayeke daa mingi wala ayeke daa pepe. Ala sara ngangu, ala gue, aga na ale ti kobe ti kodro ni.” – Andaa ngoi ni so ayeke kozo ngoi ti fango ale ti *vinye –.

1 Korente 16:13

Le ti ala akpengba, ala gbu ngangu na lege ti mabe, ala duti tongana akoli, ala kpengba!

Ndia ti fani use ni 31:6

Ala gbu ngangu, ala sara ye ti koli, ala sara mbeto pepe, ala do na mbeto na dawa ti amara ni so pepe, ngbanga ti so KOTA GBIA Nzapa ti ala laa ayeke tambula na ala. Fade lo yeke do ala ti zia ala pepe, lo yeke zia ala oko pepe.”

Ndia ti fani use ni 31:7

Na pekoni, Moïse airi Josué si atene na lo na le ti azo ti Israel kue, atene: “Mo gbu ngangu, mo sara ye ti koli, ngbanga ti so mo laa mo yeke mu azo so ti li na ala na sese so KOTA GBIA adeba yanga ti lo ando ti mu na akotara ti ala titene aga ti ala.

Ahebro 11:33

Na lege ti mabe, ala tiri bira na ambeni gbia si ala mu kodro ti ala. Ala sara aye ti mbirimbiri, ala wara aye so Nzapa amu zendo ni, ala kanga yanga ti abamara;

Ahebro 13:6

Ndani laa e lingbi ti tene na mbeto pepe, e tene: “*Kota Gbia laa ayeke mu na mbi maboko, fade mbeto ayeke sara mbi pepe. Nyen laa zo alingbi ti sara na mbi, nyen?”

Josué 1:18

Zo so kue ayeke londo ti ke yanga ti mo si lo ma atënë ti mo pepe, fade a yeke fâ lo. Ti mo, gbu ngangu, mo sara ye ti koli!”

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Awafango-ngbanga 10:15

Azo ti Israel akiri tënë na KOTA GBIA: “E sara siokpari awe. Sara na e tongana ti so be ti mo aye; me mo soo e laso si!”

1 Samuel 14:12

Aturugu ni airi Jonatan na zo so ayeke yo aye ti bira ti lo, atene: “Ala ga na mbage ti e ge; e yeke na mbeni tënë ti tene na ala.” Jonatan atene na zo so ayeke yo aye ti bira ti lo so, atene: “Mu peko ti mbi; KOTA GBIA azia ala na maboko ti azo ti Israel awe.”

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

1 Samuel 17:32

David atene na Saul: “Alingbi be ti zo oko awoko pepe ndali ti zo ti Filistii so. Fade mbi, zo ti gbe ti mo, mbi yeke gue ti tiri bira na lo.”

1 Samuel 3:18

Tongaso Samuel afa na Heli peko ti atënë so kue. Lo honde mbeni tënë oko pepe. Heli atene: “KOTA GBIA laa; ayeke nzoni lo sara ye so be ti lo aye!”

1 Samuel 4:9

Ala azo ti Filistii, ala gbu ngangu! Ala sara ye ti koli si ahebro amu ala na ngbaa pepe tongana ti so lani e mu ala na ngbaa so. Ala sara ye ti koli, ala tiri bira ngangu!”