2 Samuel 1:8 - Mbeti ti Nzapa - Tënë so amu fini

⁸ Lo hunda mbi, lo tene: ‘Mo yeke zo wa?’ Mbi kiri tënë na lo, mbi tene: ‘Mbi yeke zo ti mara ti Amalek.’

2 Samuel 1:8 ပူးပေါင်းရင်းမြစ်များ

Tongo nda ti aye 14:7

Na pekoni, ala kiri na mbage ti En-Mishepat, so ti tene Kades. Ala buba kodro ti azo ti mara ti Amalek kue si ala hon nga ndö ti azo ti mara ti Amori so ayeke lango na kodro ti Hasason-Tamar.

2 Samuel 1:13

David akiri ahunda maseka so ayeke fa peko ti tënë na lo so, atene: “Mo yeke zo ti ndo wa?” Maseka ni akiri tënë: “Mbi yeke molenge ti mbeni zo ti mara ti Amalek, lo yeke gene ge na kodro so.”

2 Samuel 1:7

Lo baa ndo na mbage ti mbi, lo iri mbi si mbi yeda, mbi tene: ‘Mbi laa.’

2 Samuel 1:9

Lo tene na mbi: ‘Pusu nduru na tere ti mbi, mo fâ mbi, ngbanga ti so mbi baa tere ti mbi nzoni pepe, ataa so fini ti mbi angba ngbango.’

Wungo ti azo 24:20

Na pekoni, Balaam abaa azo ti mara ti Amalek si lo diko bia so, lo tene: “Mara ti Amalek ayeke kozo ti amara kue; me fade dunia ti ala ayeke buba biani biani.”

1 Samuel 15:3

Fadeso, gue, mo tiri bira na azo ti Amalek, mo buba aye ti ala kue, mo zia mbeni oko angba pepe. Mo fâ akoli na awali, amolenge na akete amolenge so angba ti nyon mê, abagara, ataba, *azambala nga na alele.’ ”

1 Samuel 27:8

David na azo ti lo alondo na Siklag si ala gue ti tiri bira na azo ti Geshur, azo ti Girzi nga na azo ti Amalek. Azo ni so alango na kodro ni ngbene ye aninga, ti londo na mbage ti Shur ngbii asi na yanga ti kodro ti Ezipte.

1 Samuel 30:1

David na azo ti lo atambula na ya ti lango ota si ala si na Siklag. Andaa azo ti Amalek aga atiri bira na Mbongo ti Israel nga na Siklag. Ala buba gbata ni si ala gbi ni.

1 Samuel 30:13

David ahunda lo, atene: “Wa ti mo ayeke zo wa? Mo londo na ndo wa?” Lo kiri tënë: “Mbi yeke zo ti Ezipte, mbi yeke ngbaa ti mbeni zo ti Amalek. Wa ti mbi azia mbi ahon asara laso lango ota, ngbanga ti so tere ti mbi aso.

1 Samuel 30:17

David afâ ala, ti londo na ndaperere ngbii asi kekereke na lakui. Mbeni zo oko awara lege ti kpe pepe; gi amaseka ngbangbo osio so ako na ndö ti *azambala laa akpe ahon.