2 Samuel 1:24 - Mbeti ti Nzapa - Tënë so amu fini

²⁴ Amaseka-wali ti Israel, ala toto Saul maa! Lo so lani lo yeke mu na ala apendere bongo, na aye ti pendere si lo yeke zia lôro ti pendere na tere ti bongo ti ala so.

2 Samuel 1:24 ပူးပေါင်းရင်းမြစ်များ

2 Samuel 1:23

Na lango ti fini Saul na Jonatan kue, azo so aye ala mingi. Ataa so ala kui, kuâ akangbi ala pepe. Ala yapu lani mingi ahon *angoalo, ngangu ti ala ahon ngangu ti abamara.

2 Samuel 1:25

Ae! A fâ akpengba turugu na ya ti bira awe! Jonatan akui na ndö ti ahoto ti mo, Israel!

Abia (Psaumes) 68:12

Kota Gbia amu yanga si gba ti awali ahon na nzoni sango so:

Amato 25:12

Wango so zo ti ndara amu na azo so azia mê ti ala kpoo ti ma tënë ayeke tongana bage ti lôro nga na ye ti go ti lôro ti nzoni ni.

Amato 31:21

Mbeto titene de asara azo ti da ti lo asara lo pepe, ngbanga ti so ala kue ayeke na abongo ti de.

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Awafango-ngbanga 5:30

‘E hinga pepe, ala ngba ti kangbi aye so ala gbu na peko ti bira: maseka-wali oko wala use ndali ti turugu oko oko kue. Sisra awara ti lo abongo ti nzoroko; a fu bongo ni na pendere nzoroko nde nde. A fu ni mbage na mbage ti zia na go ti zo so aso benda na ya ti bira.’