2 Samuel 1:21 - Mbeti ti Nzapa - Tënë so amu fini

²¹ Ahoto ti Gilboa, ayeke nzoni ngu ti pere na ngu-Nzapa atuku na ndö ti ala pepe! Ayeke nzoni sese ti ala akiri adu akobe pepe! Biani, na ndo so laa a bi buba na tere ti akpengba zo ti bira; na ndo so laa akpaka mafuta pepe na tere ti *vala ti Saul.

2 Samuel 1:21 ပူးပေါင်းရင်းမြစ်များ

1 Mbai 10:1

Azo ti Filistii ayeke tiri bira na azo ti Israel. Azo ti Israel akpe na dawa ti azo ti Filistii si a fâ ala mingi na hoto ti Gilboa.

1 Mbai 10:8

Na ndade ni, azo ti Filistii aga ti zi aye so ayeke na tere ti azo so akui so. Ala wara kuâ ti Saul na ti amolenge ti lo so ayeke lango na sese, na hoto ti Gilboa.

B. ti abia 4:4

Go ti mo ayeke tongana da ti David so lo sara ni pendere mingi, da so a sara ni ti bata aye ti bira daa. A kanga *avala saki oko na tere ni, kue gi angbongboro vala ti angangu turugu.

Ésaïe 21:5

A leke meza awe, a zia asanziri ti baa ndo, azo ayeke te, ala yeke nyon. Mo ye ti baa, mbeni zo adekongo: “Aturugu ti kota kamba, ala londo! Ala zia mafuta na tere ti *avala ti ala!”

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Ezekiel 31:15

“Tënë so mbi Kota Gbia NZAPA, mbi tene ayeke so: Na lango so keke ti sedre azu na ndo ti akuâ, mbi mu yanga na aye ti dunia ti sara mua ti lo. Mbi kanga lege na gba ti ngu ti gbe ti sese ti sigigi, mbi gbanzi lege na *abale ti sua; mbi sara si gba ti ngu aluti na ndo oko. Ndali ti lo, mbi sara si vukongo ndo akanga ndö ti ahoto ti Liban, mbi sara si akeke kue ti ngonda ahole.

Joël 1:9

Azo akiri aga na *sandaga ti le ti kobe pepe, wala ala kiri aga na sandaga ti samba na ya ti kota da ti KOTA GBIA pepe. Ndani laa awayango-sandaga so ayeke sara kua ti KOTA GBIA ayeke na mua.

Joël 2:14

E hinga pepe, fade lo yeke zia lege ti sara ye so lo leke na be ti lo ti sara. Fade lo yeke sara tufa na ndö ti ala si ala lingbi ti mu *sandaga ti *ble na ti samba na KOTA GBIA, Nzapa ti ala.

Awafango-ngbanga 5:23

*Ange ti KOTA GBIA atene: Ala deba azo ti gbata ti Meroz! Ala deba ala, ngbanga ti so ala ke ti ga ti mu maboko na KOTA GBIA! Ala ke ti mu maboko na angangu turugu ti lo.

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 31:1

Azo ti Filistii ayeke tiri bira na azo ti Israel. Azo ti Israel akpe na dawa ti azo ti Filistii si a fâ ala mingi na hoto ti Gilboa.

1 Samuel 31:8

Na ndade ni, azo ti Filistii aga ti nzi aye ti azo so akui so. Ala wara kuâ ti Saul na ti amolenge ti lo ota so ayeke lango na sese, na hoto ti Gilboa.