2 Samuel 1:2 - Mbeti ti Nzapa - Tënë so amu fini

² Na ota lango ni, mbeni koli alondo na ya ti bâbâ ti Saul asi. Bongo ti lo asuru surungo, ya ti li ti lo kue gi na sese ti fa vundu ti be ti lo. So lo si nduru na David awe, lo kuku, lo kpo li ti lo na sese.

2 Samuel 1:2 ပူးပေါင်းရင်းမြစ်များ

Tongo nda ti aye 22:4

Na lango ota ni, Abraham ayo le ti lo na nduzu si lo baa ndo ni yongoro kâ.

Tongo nda ti aye 37:29

So Ruben akiri aga abaa ndo na ya ti du ti ngu ni, Joseph ayeke na ya ni pepe. Lo suru bongo na tere ti lo,

Tongo nda ti aye 37:34

Jacob asuru bongo na tere ti lo, lo yu bongo ti mua si lo toto kuâ ti molenge ti lo na ya ti alango mingi.

Tongo nda ti aye 43:28

Ala kiri tënë: “Babâ ti e, zo ti gbe ti mo, angba na fini. Lo yeke nzoni.” Ala ba, akuku akpo li ti ala na sese na gbe ti lo.

2 Samuel 1:3

David ahunda lo: “Mo londo na ndo wa?” Lo kiri tënë, lo tene: “Mbi kpe na ya ti bâbâ ti azo ti Israel laa mbi ga so.”

2 Samuel 13:19

Tamar amu mburu ti wâ, lo tuku na li ti lo, lo suru yongoro bongo ti nzoroko so lo yu so. Lo zia maboko ti lo na li ti lo si lo gue na dekongo na yanga ti lo.

2 Samuel 14:4

Wali ti Tekoa ni ague, atene tënë na gbia. Lo kuku, lo kpo li ti lo na sese si lo tene: “Gbia, soo mbi maa!”

2 Samuel 15:32

So David asi na li ti hoto ni awe, na ndo so azo ayeke voro Nzapa daa, Hushai, zo ti mara ti Arki ayeke ga na mbage ti lo. Lo suru bongo na tere ti lo, ya ti li ti lo kue gi na sese.

2 Samuel 24:20

Aravna abi le ti lo na gbeni, lo baa gbia na azo ti kua ti lo so ayeke ga na mbage ti lo. Lo gue na mbage ti ala, lo kuku, lo kpo li ti lo na sese na dawa ti gbia.

2 Samuel 4:10

Zo so lani aga atene na mbi tënë ti kuâ ti Saul si lo baa ti lo, lo tene, nzoni sango laa lo tene na mbi so, mbi gbu lo si mbi fâ lo na Siklag. So futa ti lo ndali ti nzoni sango ni laa!

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Esther 5:1

Na peko ti lango ota so Esther ake kobe, lo yu bongo ti lo ti gbia-wali si lo gue, lo luti na ya ti gbagba ti yangbo ti gbia ni; lo luti na ndo so ayeke baa ndo na ndo so gbia ayeke duti ka daa. Andaa gbia ni ayeke na ya ti yangbo ni, lo duti na ndö ti mbata ti lo so ayeke baa ndo na yanga ti yangbo ni.

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Ezekiel 27:30

Ala yeke dema tere na ndö ti mo, ala yeke dekongo na mawa. Ala yeke tuku fuku ti sese na ya ti li ti ala si ala yeke rule na ya ti mburu ti wâ.

Osée 6:2

Na peko ti lango use, fade lo yeke kiri fini na e; na lango ota ni, fade lo yeke yo e na nduzu si e yeke duti na fini na dawa ti lo.

Joël 2:13

Ala suru bongo ti ala pepe, me ala suru be ti ala.” Biani, ala kiri na KOTA GBIA, Nzapa ti ala; lo yeke sara nzoni be na zo si lo yeke baa mawa ti zo, lo yeke sara ngonzo hio hio pepe, nzoni be ti lo asi singo. Sioni so lo leke na be ti lo ti sara na zo, lo yeke ke ti sara ni.

Matthieu 12:40

Biani, tongana ti so Jonas asara lango ota na bi ota na ya ti kota susu, fade *Molenge ti Zo ayeke sara nga lango ota na bi ota na gbe ti sese.

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.

1 Samuel 20:41

Molenge ni akiri na kodro. David alondo na ndo so lo honde tere ti lo daa na mbage ti Mbongo, lo sigigi. Lo ti, lo kpo li ti lo na sese fani ota. Na pekoni, ala su ngbangba ti tere, ala toto mingi; David atoto ahon ndoni.

1 Samuel 25:23

So Abigail abaa David awe, lo londo na ndö ti lele ni, lo zu hio na sese, lo kuku, lo kpo li ti lo na sese na dawa ti David.

1 Samuel 4:12

Gi na lango ni so, mbeni koli ti mara ti Benjamin alondo na yanga ti bira kâ, akpe asi na Silo, lo suru bongo na tere ti lo kue; lo tuku fuku ti sese na ya ti li ti lo.

1 Samuel 4:16

Koli ni atene na Heli: “Mbi londo na yanga ti bira si mbi ga so. Gi laso laa mbi kpe na yanga ti bira ni si mbi ga so.” Heli ahunda lo, atene: “Molenge ti mbi, nyen laa asi kâ, nyen?”