2 Samuel 1:11 - Mbeti ti Nzapa - Tënë so amu fini

¹¹ David agbu bongo ti lo wani si lo suru ni; azo so kue ayeke na tere ti lo asara nga tongana ti lo.

2 Samuel 1:11 ပူးပေါင်းရင်းမြစ်များ

Tongo nda ti aye 37:29

So Ruben akiri aga abaa ndo na ya ti du ti ngu ni, Joseph ayeke na ya ni pepe. Lo suru bongo na tere ti lo,

Tongo nda ti aye 37:34

Jacob asuru bongo na tere ti lo, lo yu bongo ti mua si lo toto kuâ ti molenge ti lo na ya ti alango mingi.

Tongo nda ti aye 44:13

Ala suru bongo na tere ti ala; zo oko oko akiri aleke akungba ti lo na ndö ti lele ti lo si ala kiri na ya ti gbata ni.

2 Samuel 13:19

Tamar amu mburu ti wâ, lo tuku na li ti lo, lo suru yongoro bongo ti nzoroko so lo yu so. Lo zia maboko ti lo na li ti lo si lo gue na dekongo na yanga ti lo.

2 Samuel 13:31

Gbia alondo, lo suru bongo na tere ti lo si lo lango na sese. Azo ti kua ti lo kue ayeke luti na tere ti lo na surungo bongo na tere ti ala.

2 Samuel 3:31

David atene na Yoab nga na azo so kue amu peko ti lo: “Ala suru bongo ti ala, ala yu agbagba bongo, ala toto kuâ ti Abner!” Ti gbia David, lo yeke tambula na peko ti kuâ ni.

2 Agbia 5:7

So gbia ahunzi ti diko mbeti ni awe, lo suru bongo na tere ti lo si lo tene: “Mbi yeke Nzapa so alingbi ti sara titene zo akui wala titene zo angba na fini? Gbia ti Sirii atokua na mbi mbeni zo titene mbi zi buruma na tere ti lo! Ala baa awe: so gingo yanga laa!”

2 Mbai 34:27

Tënë so mbi tene na ndö ti gbata so nga na ndö ti azo ti gbata ni apika be ti mo si mo sara tere ti mo kete na gbe ti Nzapa. Na mango tënë so, mo sara tere ti mo kete na gbe ti mbi, mo suru bongo na tere ti mo si mo toto na dawa ti mbi. Mbi nga, mbi ma mo awe; so tënë ti yanga ti KOTA GBIA laa.

Esdras 9:3

So mbi ma tënë so, mbi suru bongo na tere ti mbi nga na yongoro bongo ti mbi, mbi gboto kua ti li ti mbi na kua ti yanga ti mbi, mbi duti na sese na gingo be.

Esther 4:1

So Mardochée ama tënë ti ye so kue asi so, lo suru bongo na tere ti lo, lo yu bongo ti mua si lo tuku mburu ti wâ na li ti lo. Lo tambula na ya ti gbata ti Suze kue, na kota mawa na be ti lo, lo yeke dekongo.

Jérémie 36:24

Gbia na akota zo ti yangbo ti lo kue ama atënë so kue nzoni; me atënë ni azia mbeto na be ti ala oko pepe, ala suru bongo ti ala pepe.

Joël 2:13

Ala suru bongo ti ala pepe, me ala suru be ti ala.” Biani, ala kiri na KOTA GBIA, Nzapa ti ala; lo yeke sara nzoni be na zo si lo yeke baa mawa ti zo, lo yeke sara ngonzo hio hio pepe, nzoni be ti lo asi singo. Sioni so lo leke na be ti lo ti sara na zo, lo yeke ke ti sara ni.

Awatokua 14:14

So Barnabas na Paul ama tënë ni, ala suru bongo ti ala si ala kpe ali na popo ti azo ni; ala dekongo, atene:

Rome 12:15

Ala sara ngia na azo so ayeke na ngia, ala toto na azo so ayeke toto.

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.