2 Samuel 1:10 - Mbeti ti Nzapa - Tënë so amu fini

¹⁰ Nilaa mbi ga nduru na tere ti lo si mbi fâ lo, ngbanga ti so mbi hinga, mbi tene, lo yeke ngba na fini pepe. Mbi zi kpoto ti gbia so ayeke na li ti lo; mbi zi nga ye ti maboko so lo kanga na maboko ti lo, mbi ga na ni na mo, gbia ti mbi.”

2 Samuel 1:10 ပူးပေါင်းရင်းမြစ်များ

2 Samuel 1:16

David atene na zo ti mara ti Amalek ni, atene: “Mene ti mo ayeke kiri na li ti mo wani! Tënë ti yanga ti mo wani laa afâ mo, ngbanga ti so mo tene: ‘Mbi laa mbi fâ gbia so KOTA GBIA atuku mafuta na li ti lo.’ ”

2 Samuel 1:9

Lo tene na mbi: ‘Pusu nduru na tere ti mbi, mo fâ mbi, ngbanga ti so mbi baa tere ti mbi nzoni pepe, ataa so fini ti mbi angba ngbango.’

2 Samuel 12:30

David azi kpoto so ayeke na li ti nzapa ti azo ti Amon, so iri ti lo ayeke Milkom. A leke kpoto ni na lôro so nengo ni alingbi na kilo baleota; mbeni têne ti ngangu ngere ayeke na tere ni. A zia têne ni na tere ti kpoto ti gbia David. Aye so lo gbu na peko ti bira na ya ti gbata ni si lo gue na ni ayeke mingi.

2 Agbia 11:12

Tongaso Yoyada amu molenge ti gbia asigigi na lo. Lo zia kpoto ti gbia na li ti molenge ni si lo mu na lo mbeti ti mbuki. A tuku mafuta na li ti lo titene a zia lo gbia. Azo ni apika maboko si ala dekongo, atene: “Gbia na nduzu!”

Abia ti demango tere 5:16

Nengo ti e ti amolenge ti gbia ati awe. E sara siokpari awe; so mawa na e, azo!

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Awafango-ngbanga 1:7

Adoni-Bezek atene: “Agbia balembarambara so mbi fâ akota li ti maboko ti ala na ti gere ti ala ayeke ro lani anduru mapa so ati na gbe ti meza ti mbi. Ye so mbi sara so laa Nzapa akiri peko ni na mbi so!” A mu Adoni-Bezek, ague na lo na Jérusalem si lo kui kâ.

Awafango-ngbanga 9:54

Abimelek airi zo ti yongo aye ti bira ti lo hio, lo tene na lo: “Sigigi na yongoro zeme ti mo, mo fâ mbi, tongaso si azo ahe mbi pepe, atene: wali laa afâ lo!” Nilaa maseka-koli ni amu zeme ti lo, ayoro na ya ti Abimelek si Abimelek akui.

1 Samuel 22:18

Tongaso gbia atene na Doeg, zo ti Edom, atene: “Gue, mo fâ awayango-sandaga so.” Doeg ague si lo wani, lo fâ awayango-sandaga ni. Na lango ni so, lo fâ azo balemiombe na oku, ala so ayu *efod so a sara na *len.