2 Samuel 1:1 - Mbeti ti Nzapa - Tënë so amu fini

¹ Na peko ti kuâ ti Saul, David akiri na gbata ti Siklag na peko ti so lo gue, lo so benda na ndö ti azo ti Amalek. Lo sara lango use na Siklag.

2 Samuel 1:1 ပူးပေါင်းရင်းမြစ်များ

Tongo nda ti aye 14:7

Na pekoni, ala kiri na mbage ti En-Mishepat, so ti tene Kades. Ala buba kodro ti azo ti mara ti Amalek kue si ala hon nga ndö ti azo ti mara ti Amori so ayeke lango na kodro ti Hasason-Tamar.

1 Samuel 27:6

Gi na lango ni so, Akish amu na lo gbata ti Siklag. Nilaa Siklag aga kodro ti agbia ti Juda ngbii asi laso.

1 Samuel 30:1

David na azo ti lo atambula na ya ti lango ota si ala si na Siklag. Andaa azo ti Amalek aga atiri bira na Mbongo ti Israel nga na Siklag. Ala buba gbata ni si ala gbi ni.

1 Samuel 31:4

Saul atene na zo so ayo aye ti bira ti lo, atene: “Gboto yongoro zeme ti mo, mo koro ya ti mbi, ngbanga ti so mbi ye pepe titene azo so ahinga Nzapa pepe so aga akoro ya ti mbi si ala he mbi.” Me zo so ayo aye ti bira ni ake, ngbanga ti so mbeto asara lo mingi. Nilaa Saul amu yongoro zeme ti lo azia si lo ti na yanga ni.

1 Samuel 31:6

Tongaso, Saul na amolenge ti lo ota, na zo ti yongo aye ti bira ti lo nga na azo ti lo kue, ala kui legeoko gi na lango ni so.