2 Pierre 3:5 - Mbeti ti Nzapa - Tënë so amu fini

⁵ Ala girisa na mbana ti be ti ala wani so yayu na sese ayeke ando daa giriri: yayu na sese abaa gigi na lege ti tënë ti yanga ti Nzapa. Lo sara si sese na ngu akangbi si kuru sese asigigi na ya ti ngu.

2 Pierre 3:5 ပူးပေါင်းရင်းမြစ်များ

Tongo nda ti aye 1:6

Nzapa atene: “Ayeke nzoni mbeni ye asigigi si akangbi popo ti angu!”

Tongo nda ti aye 1:9

Nzapa atene: “Ayeke nzoni angu so ayeke na gbe ti nduzu abongbi tere ti ala na ndo oko si holengo ndo asigigi.” Ye ni asi tongana ti so lo tene.

Abia (Psaumes) 136:6

Lo sara si sese aluti na ndö ti angu. – Biani, nzoni be ti lo angba kpu na kpu!

Abia (Psaumes) 24:2

Lo laa lo zia sese na ndö ti akota ngu-ingo, lo gbu ni ngangu si aluti na ndö ti *abale.

Abia (Psaumes) 33:6

Na lege ti tënë ti lo, KOTA GBIA asara yayu; na lege ti pupu ti yanga ti lo, lo sara aye so kue ayeke na le ti nduzu.

Amato 17:16

Nginza ayeke sara nyen na maboko ti zo ti buba? Lo ye ti vo na ndara? Ka so li ti lo ayeke daa pepe so!

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Kolose 1:17

Christ ayeke ando daa kozoni na ye kue, ye kue angba ti duti gi na lege ti lo.

Ahebro 11:3

Na lege ti mabe si e hinga, e tene, dunia abaa gigi na lege ti tënë ti yanga ti Nzapa. So aye ti fa atene, ye so le ti zo ayeke baa, alondo na lege ti ye so le ti zo abaa pepe.