2 Pierre 3:3 - Mbeti ti Nzapa - Tënë so amu fini

³ Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

2 Pierre 3:3 ပူးပေါင်းရင်းမြစ်များ

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Amato 14:6

Zo ti hengo ndo ayeke gi ti wara ndara, me lo lingbi ti wara ni pepe; zo ti hingango ye ayeke manda ye hio mingi.

Amato 3:34

Lo yeke he azo ti hengo ndo, me lo yeke sara nzoni be na azo so asara tere ti ala kete.

Ésaïe 28:14

Ala so ayeke he azo si ala yeke sara komandema na ndö ti azo ti Jérusalem so, ala ma tënë ti *KOTA GBIA si!

Ésaïe 29:20

Biani, azo so ayeke sara ngangu na azo, ti ala ayeke hunzi; azo so ayeke he azo, a yeke mingo ala; azo so ayeke gi lege ti sara sioni na azo, a yeke hunzi ala biani biani:

Ésaïe 5:19

Ala yeke tene: “Ye so KOTA GBIA aye ti sara so, ayeke nzoni lo sara ni hio e baa ma! Pialo so Nzapa ti Israel so ayeke nde si ayeke nzoni kue aye ti sara so, ayeke nzoni lo sara ni si e hinga tënë ni ma!”

Osée 7:5

Na lango ti matanga ti gbia ti e, amakonzi anyon samba ahon ndö ti ala si ala woko kue; gbia asara beoko na azo ti hengo ndo

Jean 12:48

Zo so ake mbi si lo ke nga atënë ti mbi, mbeni ye ti fango ngbanga na li ti lo ayeke daa: atënë so mbi tene laa ayeke fâ ngbanga na li ti lo na lango ti ndani.

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

2 Timothée 3:1

Ayeke nzoni mo hinga ye so: na ya ti alango ti ndani, fade angoi ayeke ga ngangu.

Ahebro 1:2

Me na ngoi ti ndani so e yeke daa, lo tene tënë na e na lege ti Molenge ti lo. Nzapa asara dunia mobimba na lege ti Molenge si lo zia Molenge ni titene aye kue aga ti lo.

2 Pierre 1:20

Kozo ye so ala lingbi ti hinga ayeke so: mbeni tënë oko ti peko ti yanga ti Nzapa so a su na Mbeti ti Nzapa, zo alingbi ti fa nda ni gi na li ti lo wani pepe.

2 Pierre 2:10

Lo yeke fâ ande ngbanga kozoni na li ti azo so ayeke sara aye ti potopoto na lege ti nzara ti aye ti kirikiri so ayeke na be ti ala si ala baa komandema ti Nzapa tongana buba ye na le ti ala. Awafango-ye ti mvene so abaa tere ti ala tongana azo so alingbi awe; baba ahon ndö ti ala, ayingo ti yayu so ayeke na gonda, azo ni akpe mbeto ti ala pepe si ala yeke zonga ala.

1 Jean 2:18

Amolenge ti mbi, ngbonga ti ndani alingbi awe! Ala ma ando atene, Wato ti Christ ayeke ga. Andaa awato ti Christ asi singo fadeso. Tongaso e hinga, e tene, ngbonga ti ndani alingbi awe.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Jude 1:18

Awatokua ni atene na ala: “Na lango ti ndani, azo ayeke he ala na ngia, azo ti sioni so ayeke sara ye alingbi gi na asioni nzara ti be ti ala.”