2 Pierre 3:2 - Mbeti ti Nzapa - Tënë so amu fini

² Mbi ye si ala dabe ti ala na atënë so ando awayanga-Nzapa so ayeke nde si ayeke nzoni kue, atene na ala. Mbi ye nga si ala dabe ti ala na tënë ti yanga ti *Kota Gbia ti e na Wasongo e, so *awatokua afa ni na ala.

2 Pierre 3:2 ပူးပေါင်းရင်းမြစ်များ

Nzoni Tënë so Luc asu na mbeti 1:70

Lo zia tënë ni ando na yanga ti awayanga-Nzapa si ala tene ni; awayanga-Nzapa so Nzapa azia ala nde ndali ti lo.

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Awatokua 10:43

Awayanga-Nzapa kue atene tënë ti lo, atene: ‘Zo so ama na be na lo, na iri ti lo, fade Nzapa ayeke zi asiokpari ti zo ni.’ ”

Awatokua 28:23

Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

Awatokua 3:18

Na lege so laa Nzapa asara ye alingbi na tënë so lo zia ando na yanga ti awayanga ti lo si ala tene. Lo tene: fade *Mesii ayeke baa pasi.

Awatokua 3:21

Christ ayeke ngba na yayu ngbii asi na ngoi so fade Nzapa akiri aleke aye kue na legeni. Ngoi ni so, Nzapa atene tënë ni ando na yanga ti awayanga ti lo so lo zia ala nde ndali ti lo.

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

1 Timothée 6:14

Mo bata lege ti tënë ti yanga ti mbi nzoni si zo awara mbeni ye ti sioni wala mbeni tënë na li ti mo pepe; mo bata ni ngbii *Kota Gbia ti e Jésus Christ akiri.

2 Pierre 2:21

Ti azo ni so, ayeke fade nzoni titene ala hinga lege ti mbirimbiri pepe. Sioni ni ayeke so, ala hinga lege ni awe si na pekoni, ala do lege ti atënë ti ndia ti Nzapa so a fa na ala kozoni so azia.

2 Pierre 3:15

Ala hinga atene, tongana Kota Gbia angba ti kanga be ti lo ti ku ngbii, andaa lo yeke zia na ala ngoi titene ala soo kuâ. Ita ti e Paul so e ye lo mingi, asu nga na ala tënë so na mbeti na lege ti ndara so Nzapa amu na lo.

2 Pierre 3:16

Na ya ti ambeti so kue lo su na ndö ti tënë so, gi oko tënë so laa lo tene. Na ya ti ambeti ni, ambeni tënë ni ayeke ngangu na zo ti ma ya ni; azo so ahinga ndo pepe si ade ti kpengba na lege ti tënë ti Nzapa pepe, ala yeke buba ya ti atënë ni, tongana ti so ala yeke sara na tanga ti atënë ti Mbeti ti Nzapa kue. Na sarango ye tongaso, ala yeke buba lege ti fini ti ala wani.

1 Jean 4:6

Me ti e, e yeke azo ti Nzapa. Zo so ahinga Nzapa ayeke ma tënë ti e; zo so ayeke zo ti Nzapa pepe, lo yeke ma tënë ti e pepe. Lege so laa e lingbi ti hinga popo ti Yingo ti taa-tënë na yingo so ayeke fa lege ti kirikiri.

Jude 1:17

A-ita ti mbi so mbi ye ala mingi, ala dabe ti ala na atënë so *awatokua ti *Kota Gbia ti e Jésus Christ atene ando na ala.

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.