2 Pierre 3:16 - Mbeti ti Nzapa - Tënë so amu fini

¹⁶ Na ya ti ambeti so kue lo su na ndö ti tënë so, gi oko tënë so laa lo tene. Na ya ti ambeti ni, ambeni tënë ni ayeke ngangu na zo ti ma ya ni; azo so ahinga ndo pepe si ade ti kpengba na lege ti tënë ti Nzapa pepe, ala yeke buba ya ti atënë ni, tongana ti so ala yeke sara na tanga ti atënë ti Mbeti ti Nzapa kue. Na sarango ye tongaso, ala yeke buba lege ti fini ti ala wani.

2 Pierre 3:16 ပူးပေါင်းရင်းမြစ်များ

Tongo nda ti aye 49:4

Me mo yeke tongana ngu so ayeke sua gi ngangu ngangu so. Mo yeke ngba ande yaya ti a-ita ti mo pepe. Mo lango na ndö ti gbogbo ti mbi, babâ ti mo si mo sara titene gbogbo ti mbi aga sioni.

1 Agbia 10:1

Gbia-wali ti kodro ti Saba ama sango ti Salomon so awu ndali ti iri ti *KOTA GBIA. Nilaa lo ga ti tara ndara ti Salomon na lege ti angangu hundango tënë.

Abia (Psaumes) 56:5

Mbi yeke gonda Nzapa ndali ti tënë ti lo, mbi zia be ti mbi na ndö ti Nzapa, mbeto ayeke sara mbi oko pepe. Nyen laa zo alingbi ti sara na mbi, nyen?

Sigingo 23:2

Tongana gba ti azo aye ti sara sioni, ala mu peko ti azo ni pepe. Tongana gba ti azo aye ti tene mvene na le ti ngbanga, ala mu peko ti azo ni pepe, tongana azo ni aye ti fâ ngbanga ni na legeni pepe.

Sigingo 23:6

“Na le ti ngbanga, ala sara si fango ngbanga ti zo ti mawa ague kirikiri pepe.

Jérémie 23:36

Me alingbi ala kiri atene pepe: ‘Nengo kungba so KOTA GBIA azia na ndö ti zo tongaso laa’. Tënë ti KOTA GBIA alingbi ti duti mbeni nengo kungba na ndö ti zo? Oko pepe! Me tongana ala tene tënë tongaso, andaa ala yeke ba ya ti tënë ti Nzapa so ayeke na fini, KOTA GBIA so ayeke na ndö ti dunia kue, Nzapa ti e.

Habakuk 1:4

Ndani laa azo ayeke sara ye alingbi na ndia pepe, ala yeke fâ ngbanga na lege ti ndia pepe. Zo ti sioni ayeke hon ndö ti zo ti mbirimbiri, awafango-ngbanga ayeke fâ ngbanga kirikiri.

Matthieu 15:3

Jésus akiri tënë na ala, atene: “Ka ala, ngbanga ti nyen si ala ke yanga ti Nzapa ti sara gi ye ti akotara ti ala so?

Matthieu 15:6

zo ni alingbi ti gbanzi mungo ye ni na babâ wala mama ti lo senge.’ Lege so laa ala yeke buba ya ti tënë ti Nzapa ti bata lege ti ndia ti akotara ti ala!

Matthieu 22:29

Jésus akiri tënë na ala: “Ala girisa lege awe, ngbanga ti so ala hinga nda ti Mbeti ti Nzapa wala ngangu ti Nzapa pepe.

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

Ahebro 5:11

E yeke na tënë mingi ti tene na ala na ndö ti tënë so; me ayeke ngangu ti fa nda ti atënë ni, ngbanga ti so ala ga azo so ayeke ma ya ti tënë hio pepe.

Jacques 1:8

Lo yeke zo ti be use si lo hinga li ti lo na ye so lo ye ti sara pepe.

1 Pierre 1:1

Mbi Pierre, *watokua ti Jésus Christ, mbi tokua mbeti so na azo so Nzapa asoro ala, ala so akpe kodro ti ala, ague, aduti na ya ti akodro nde nde na sese ti Pon, ti Galasii, ti Kapadose, ti Azii na ti Bitinii.

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.

2 Pierre 2:1

Ando, awayanga-Nzapa ti mvene ayeke na popo ti azo ti Israel. Legeoko nga, fade ambeni wafango-ye ti mvene ayeke duti na popo ti ala, a-ita. Na lege ti mayere, azo ni so ayeke ga na ambeni fango ye ti mvene so ayeke gue na zo na kuâ. Azo ni so ayeke gue ngbii ti ke tënë ti Gbia so asoo ala; sarango ye ti ala ayeke bi ala gi hio tongaso na ya ti kpale so ayeke mingo ala.

2 Pierre 2:14

Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!

2 Pierre 3:14

Ndani laa, a-ita ti mbi so mbi ye ala mingi, na ngoi so ala yeke ku lango ni so, ala sara kue titene lo ga lo wara ala na mbeni sioni ye na be ti ala pepe, mbeni tënë ayeke na li ti ala pepe, ala duti nga na siriri na Nzapa.

2 Pierre 3:2

Mbi ye si ala dabe ti ala na atënë so ando awayanga-Nzapa so ayeke nde si ayeke nzoni kue, atene na ala. Mbi ye nga si ala dabe ti ala na tënë ti yanga ti *Kota Gbia ti e na Wasongo e, so *awatokua afa ni na ala.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.