2 Pierre 3:1 - Mbeti ti Nzapa - Tënë so amu fini

¹ A-ita ti mbi so mbi ye ala mingi, use mbeti so mbi su ti tokua na ala laa. Na ya ti ambeti ni use kue, mbi ye ti dabe ti ala na ndö ti aye so ala hinga awe si ala duti azo so tënë ti be ti ala ayeke na legeni.

2 Pierre 3:1 ပူးပေါင်းရင်းမြစ်များ

Abia (Psaumes) 24:4

Zo so maboko ti lo asara sioni oko pepe, zo so be ti lo avuru, zo so adeba yanga ti lo na tënë ti mvene pepe, zo so adeba yanga ti lo ti handa azo pepe.

Abia (Psaumes) 73:1

Bia ti Asaf. Biani, Nzapa ayeke sara nzoni na azo ti Israel, lo yeke sara nzoni na azo so ayeke na vuru be.

Matthieu 5:8

Ti ala nzoni, ala so ayeke na vuru be, ngbanga ti so ala yeke baa ande Nzapa!

2 Korente 13:2

Mbi yeke tene tënë so na azo so asara siokpari kozo so, ala na atanga ni kue; fadeso mbi yeke na popo ti ala pepe, me mbi kiri ti tene gi tënë so mbi tene lani na ala na ndembe so mbi gue na ndo ti ala ti fani use ni: tongana mbi kiri ande ti gue, fade mbi yeke zia zo oko senge pepe,

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

2 Timothée 1:6

Ndani laa, mbi dabe ti mo: mo sara si matabisi so Nzapa amu na mo angba lakue ti mai, matabisi so mo wara ando na ndembe so mbi zia maboko na ndö ti mo.

Ahebro 6:9

Ti ala, a-ita so e ye ala mingi, ataa so e tene tënë tongaso, e hinga na be ti e so, ala yeke tambula na nzoni lege so zo ayeke mu titene lo soo kuâ.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Pierre 2:11

A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.

2 Pierre 3:14

Ndani laa, a-ita ti mbi so mbi ye ala mingi, na ngoi so ala yeke ku lango ni so, ala sara kue titene lo ga lo wara ala na mbeni sioni ye na be ti ala pepe, mbeni tënë ayeke na li ti ala pepe, ala duti nga na siriri na Nzapa.

2 Pierre 3:17

Ti ala, a-ita ti mbi so mbi ye ala mingi, ala ma tënë ni kue awe. Le ti ala akpengba, tongaso si azo ti sioni ahanda ala ti gue kirikiri pepe si lege ti Nzapa so ala kpengba daa so, ala zia ni pepe.

2 Pierre 3:8

A-ita ti mbi so mbi ye ala mingi, mbeni tënë ayeke daa so alingbi ala girisa ni pepe: na le ti Kota Gbia, lango oko ayeke tongana ngu saki oko si ngu saki oko ayeke tongana lango oko.

Jude 1:5

Ataa so ala hinga ni kue awe, mbi ye ti dabe ti ala daa: ando, Kota Gbia amu azo ti Israel na kodro ti Ezipte, lo sigigi na ala si lo soo ala; me na pekoni, lo sara si azo so ake tënë ti lo akui.