2 Pierre 2:6 - Mbeti ti Nzapa - Tënë so amu fini

⁶ Nzapa afâ nga ngbanga na li ti azo ti agbata ti Sodome na Gomore si lo gbi agbata ni so. Lo sara tongaso ti fa tapande na azo ti sioni atene, fade mara ti ye so ayeke si na ala.

2 Pierre 2:6 ပူးပေါင်းရင်းမြစ်များ

Tongo nda ti aye 19:28

Lo baa ndo na mbage ti Sodome na Gomore nga na mbage ti lando ni. Lo baa so guru ti wâ alondo na sese si ayeke gue na nduzu tongana guru ti kota wâ.

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 13:19

Babilone, gbata so apendere ahon ambeni gbata ti kodro ni, azo ti Babilone ayeke pika kate ti ala ndali ni, fade Nzapa ayeke buba ni tongana ti so lo buba ando agbata ti Sodome na Gomore.

Jérémie 50:40

Legeoko tongana Sodome na Gomore nga na agbata ti tere ni so KOTA GBIA abuba ni, fade mbi yeke buba kodro ti Babilone, zo ayeke kiri ti duti daa pepe, zo oko ayeke sara kodro daa mbeni pepe.

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Sofonii 2:9

Mbi yeke na fini! So tënë ti yanga ti *KOTA GBIA so ngangu ti lo ahon angangu kue, Nzapa ti Israel laa: Ndani laa, fade Moab ayeke ga tongana Sodome, azo ti Amon ayeke ga tongana Gomore. Kodro ti ala ayeke ga mbeni ndo so akeke ti ki amu ya ni kue, mbeni ndo so gi ingo laa ayeke daa, kodro ni ayeke buba biani biani. Tanga ti azo ti mbi so angba na fini, ala yeke ro aye ti kodro ni kue, ala yeke mu kodro ni ti ga ti ala.”

Wungo ti azo 26:10

Sese azi yanga ti lo si amene ala, ala na Kore kue. Na lango ni so laa bongbi ti azo ti Kore akui si wâ agbi akoli ngbangbo use na baleoku. Ye ni so asi ti ga tapande ndali ti tanga ti azo ni.

Matthieu 10:15

Mbi tene na ala taa-tënë: na lango ti fango ngbanga, fade ngbanga so a yeke fâ na li ti azo ti gbata so ayeke ngangu mingi ahon ti azo ti akodro ti Sodome na Gomore.”

Matthieu 11:23

Ti mo gbata ti Kapernaum, mo baa ti mo, mo tene, fade mo yeke gue ngbii ti kpo le ti nduzu? Fade mo yeke kiri ngbii ti si na ndo ti akuâ! Tongana aye ti kpene so asi na ndo ti mo so asi ando na Sodome, ka gbata ni angba ngbii asi laso!

Rome 9:29

Ésaïe atene nga ando, atene: “Tongana Kota Gbia Nzapa, lo so lo yeke na ndö ti dunia kue, lo mu fade *ahale na e pepe, ka ti e ahunzi awe tongana ti azo ti Sodome na ti Gomore.”

1 Korente 10:11

Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”

Ahebro 4:11

Ndani laa, ayeke nzoni e sara ngangu ti li na ndo ti wungo tere so, tongaso si fade mbeni zo oko na popo ti e ati pepe na mungo tapande ti azo so asara ngangu li.

Jude 1:15

Lo yeke ga ti fâ ngbanga na li ti azo kue, ti kanga azo ti sioni ndali ti asioni ye so kue ala sara. Lo yeke kanga nga azo ti siokpari so ayeke azo ti sioni ndali ti asioni yanga so kue ala tene na tere ti lo.’ ”

Jude 1:7

Ala dabe ti ala na azo ti agbata ti Sodome na Gomore nga na ambeni kodro so ayeke na tere ni: azo ni asara asioni ye tongana ti a-ange so, ala mu be ti ala kue ti sara gi aye ti ndumba, ala sara asioni ye so akpa titene zo asara pepe. Fadeso ala yeke baa pasi na ya ti wâ so ayeke gbi lakue lakue; ala ga tapande ndali ti azo kue.