2 Pierre 2:21 - Mbeti ti Nzapa - Tënë so amu fini

²¹ Ti azo ni so, ayeke fade nzoni titene ala hinga lege ti mbirimbiri pepe. Sioni ni ayeke so, ala hinga lege ni awe si na pekoni, ala do lege ti atënë ti ndia ti Nzapa so a fa na ala kozoni so azia.

2 Pierre 2:21 ပူးပေါင်းရင်းမြစ်များ

Abia (Psaumes) 125:5

Me ti azo so agirisa nzoni lege ti mu lege ti kirikiri, ayeke nzoni KOTA GBIA atumba ala, ala na azo ti sarango sioni. Ayeke nzoni siriri aduti na Israel!

Abia (Psaumes) 85:8

KOTA GBIA, fa na e nzoni be ti mo, soo e na kuâ!

Amato 12:28

Fini ayeke na ndo so sarango ye ti mbirimbiri ayeke daa; zo so amu lege so, lo yeke kui pepe.

Amato 16:31

Vuru kua ti li ayeke tongana pendere kpoto so amu nengo na zo; zo so awara ni ayeke zo so atambula na lege ti mbirimbiri.

Ezekiel 18:24

Me ti zo ti mbirimbiri so azia lege ti sarango ye ti mbirimbiri ti lo, tongana lo to nda ti sara asioni ye so zo alingbi ti baa na le ti lo fani use pepe tongana ti azo ti sioni, ala baa ti ala atene, fade lo yeke ngba na fini? Aye ti mbirimbiri so kue lo sara, a yeke kiri ti dabe na ni pepe. Fade lo yeke kui ndali ti asioni ye ti lo nga ndali ti asiokpari so lo sara.

Ezekiel 23:13

Mbi baa so lo nga lo sara si lo ga *sioni: ala use kue, lege ti sarango ye ti ala alingbi tere.

Ezekiel 3:20

Tongana mbeni zo ti mbirimbiri azia sarango ye ti mbirimbiri si lo kiri ti sara ye ti kirikiri, fade mbi yeke zia kuku na dawa ti lo titene lo ti daa si lo yeke kui. Tongana mo gboto mê ti lo pepe, fade lo yeke kui ndali ti siokpari ti lo. Aye ti mbirimbiri so lo sara kozoni, fade a yeke dabe na ni mbeni pepe. Me mo laa, mbi yeke hunda mene ti lo na maboko ti mo.

Ezekiel 33:13

Tongana mbi tene na zo ti mbirimbiri, mbi tene: Fade mo yeke duti na fini biani! Me tongana lo baa ti lo, lo tene, sarango ye ti mbirimbiri so lo sara so alingbi awe si lo to nda ti sara sioni ye, a yeke kiri ti dabe na nzoni sarango ye ti lo ti kozo so pepe. Fade lo yeke kui ndali ti sioni so lo sara.

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Matthieu 21:32

Biani, Jean aga ando na mbage ti ala, lo fa na ala lege so ayeke lege ti sarango ye ti mbirimbiri, me ala yeda na tënë ti lo pepe. Me azo ti rongo nginza ti lapo na awali-ndumba ayeda na tënë ti lo. Ti ala, na peko ti ye so kue ala baa, ala ke ti zia sioni lege ti ala, ala yeda na tënë ti lo pepe.”

Nzoni Tënë so Luc asu na mbeti 12:47

Zo ti kua so ahinga ye so makonzi ti lo aye, me lo leke ye oko pepe, wala lo sara ye alingbi na yanga ti makonzi ti lo ni pepe, fade a yeke pika lo mingi.

Jean 15:22

Tongana mbi ga fade pepe si mbi tene tënë na azo ni pepe, ka siokpari ayeke na li ti ala pepe. Me fadeso, ala yeke na mbeni tënë ti kiri na ni pepe ndali ti siokpari ti ala.

Jean 9:41

Jésus akiri tënë na ala: “Tongana ala yeke fade awaziba, ka siokpari ayeke na li ti ala pepe. Me so ala yeke tene: ‘Le ti ala ayeke baa ndo’, andaa siokpari angba na li ti ala.”

Rome 7:12

Tongaso, Ndia alondo na Nzapa, atënë oko oko ti Ndia alondo na Nzapa, ayeke mbirimbiri si ayeke nga ye ti nzoni.

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

1 Tesalonike 4:2

Biani, ye so e fa na ala na peko ti yanga ti Kota Gbia Jésus, ala hinga ni awe.

1 Timothée 6:14

Mo bata lege ti tënë ti yanga ti mbi nzoni si zo awara mbeni ye ti sioni wala mbeni tënë na li ti mo pepe; mo bata ni ngbii *Kota Gbia ti e Jésus Christ akiri.

Ahebro 10:26

So e hinga taa-tënë nzoni kue awe so, tongana e ngba ti sara siokpari na be ti e wani, mbeni *sandaga nde ndali ti asiokpari ayeke daa pepe.

Jacques 4:17

Tongaso, zo so ahinga ti sara nzoni ye si lo sara ni pepe, andaa lo sara siokpari awe.

2 Pierre 3:2

Mbi ye si ala dabe ti ala na atënë so ando awayanga-Nzapa so ayeke nde si ayeke nzoni kue, atene na ala. Mbi ye nga si ala dabe ti ala na tënë ti yanga ti *Kota Gbia ti e na Wasongo e, so *awatokua afa ni na ala.

Jude 1:3

A-ita ti mbi so mbi ye ala mingi, mbi ye fade mingi ti su mbeti na ala na ndö ti tënë ti songo so Nzapa asoo e na ala kue so. Me mbeni ye apusu mbi ti su mbeti so ti mu ngangu na be ti ala titene ala tiri bira ti bata mabe so Nzapa amu na azo ti lo fani oko biani biani.