2 Pierre 2:15 - Mbeti ti Nzapa - Tënë so amu fini

¹⁵ Ala do lege ti mbirimbiri azia awe, ala girisa lege si ala mu peko ti Balaam, molenge ti Bosor. Balaam ayeda ti wara nginza titene lo sara ye ti sioni.

2 Pierre 2:15 ပူးပေါင်းရင်းမြစ်များ

1 Agbia 18:18

Élie akiri tënë: “Mbi laa mbi ga na kpale na ndö ti Israel pepe; me mo na azo ti sewa ti mo. Biani, ala ke ti sara ye alingbi na andia ti *KOTA GBIA si ala gue ti voro anzapa *Baal.

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

Néhémie 13:2

Biani, ando ala yamba azo ti Israel pepe na mungo na ala kobe na ngu. Azo ti mara ti Moab amu nginza na Balaam titene lo deba azo ti Israel. Me Nzapa ti e asara si tënë ti deba ni akiri aga tufa na ndö ti azo ti Israel.

Amato 28:4

Azo so azia lege ti *Ndia, ala yeke gonda azo ti sioni; me azo so abata lege ti Ndia, ala yeke kanga lege na azo ti sioni ni.

Ezekiel 9:10

Tongaso mbi nga, fade mbi yeke baa mawa ti ala oko pepe, mbi yeke zia zo oko pepe; mbi yeke futa ala alingbi na lege ti sarango ye ti ala.”

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Mishe 6:5

Ala azo ti mbi, ala dabe ti ala na ye so Balak, gbia ti Moab, aleke ando na be ti lo ti sarango ni, nga na tënë so Balaam, molenge ti Beor, akiri na ni na Balak so. Ala dabe ti ala nga na londongo so azo ti Israel alondo na Shitim ngbii ala si na Gilgal so. Tongaso, fade ala yeke hinga lege so KOTA GBIA ayeke sara nzoni na azo ti lo.”

Wungo ti azo 22:23

Mama ti lele ni abaa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Mama ti lele ni azia lege si lo fâ na ya ti ayaka ti hon. Balaam apika lo ti kiri lo na ndö ti lege.

Wungo ti azo 22:28

KOTA GBIA asara si mama ti lele ni atene tënë si lo tene na Balaam: “Nyen laa mbi sara na mo si mo pika mbi fani ota so?”

Wungo ti azo 22:32

Ange ti KOTA GBIA atene na lo: “Mo pika mama ti lele ti mo fani ota ngbanga ti nyen? Mbi laa, mbi ga, mbi kanga lege na mo, ngbanga ti so mbi baa so tambula ni ayeke gue na mo ti wara sioni.

Wungo ti azo 31:16

Ala hinga kue, lani na ya ti tënë ti Peor, awali ti mara ti Madian laa ama wango ti Balaam si ala pusu azo ti Israel ti sara siokpari ti ke KOTA GBIA. Ndani laa, kobela ti bubango kodro ati lani na ndö ti bongbi ti azo ti Israel.

Matthieu 26:9

A lingbi fade ti ka ni na ngangu ngere si amu nginza ni na azo ti mawa pepe?”

Awatokua 1:18

Lo gue lani lo vo mbeni yaka na nginza so lo wara na lege ti ye ti sioni ti lo. Kâ, lo ti na li ti lo, ya ti lo asungba si avi ti lo kue atuku na sese.

Awatokua 13:10

si lo tene na lo: “Mo, molenge ti Zabolo! Sioni zo ti mvene so! Be ti mo asi singo na asioni ye! Mo ke ye so kue ayeke nzoni! Lawa laa mo yeke zia ti buba ya ti ambirimbiri lege ti *Kota Gbia?

2 Pierre 2:13

Futa so ala yeke wara ande na peko ti sarango ye ti kirikiri ti ala ni laa. Ye so anzere na be ti azo ni ayeke sarango ye ti kamene na kota lâ. Tongana ala duti na ndo oko na ala, a-ita, ti te ti nyon, so ayeke mbeni ye ti kamene si ayeke sara titene iri ti ala abuba. Azo ni ayeke wara ngia na lege ti handango ala, a-ita.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.

Aye so Nzapa afa 2:14

Me ambeni ye so mbi ke na mo ayeke so: na ndo ti mo, ambeni zo ayeke daa so ayeke mu peko ti Balaam na lege ti fango tënë ti lo. Ando Balaam amu wango na Balak titene lo handa azo ti Israel ti te anyama so a mu na *sandaga na anzapa nde si ala sara nga aye ti ndumba.

1 Samuel 12:23

Ti mbi, fade mbi yeke sambela KOTA GBIA lakue ndali ti ala; mbi yeke ngba ti fa na ala nzoni lege nga na lege so ayeke mbirimbiri. Tongana mbi sara tongaso pepe, andaa mbi sara sioni mingi na KOTA GBIA.