2 Pierre 2:14 - Mbeti ti Nzapa - Tënë so amu fini

¹⁴ Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!

2 Pierre 2:14 ပူးပေါင်းရင်းမြစ်များ

Mbeti ti Job 31:7

Tongana mbi zia nzoni lege so lo suru, tongana be ti mbi amu peko ti ye so le ti mbi abaa na nzara ni, tongana maboko ti mbi andu mbeni ye ti sioni,

Mbeti ti Job 31:9

Tongana mbi sara fade nzara ti mbeni wali si mbi luti na hondengo ni na yanga-da ti mba ti mbi,

Amato 5:6

Lege so ayeke gue na zo na fini, lo mu ti lo ni pepe; lo girisa lege awe, me lo hinga pepe.

Amato 6:25

Mo sara nzara ti mara ti wali tongaso ndali ti pendere ti lo pepe; ayeke nzoni le ti lo so lo yeke sara ti handa na akoli so, agboto mo pepe.

Ésaïe 1:16

Ala sukula tere ti ala, ala sara titene ala ga *nzoni! Asioni ye so ala sara, ala zi ni na le ti mbi, ala zia ti sara sioni.

Ésaïe 34:5

Na yayu kâ, yongoro zeme ti KOTA GBIA ayeke tongana zo so anyon samba ahon ndö ti lo Baa yongoro zeme ni ayeke ti na ndö ti azo ti Edom, na ndö ti azo so KOTA GBIA azia ala titene a fâ ala, a hunzi ala.

Ésaïe 65:20

Fade kete molenge so ayeke sara gi kete lango si lo kui, ayeke duti kâ pepe. Akangba ayeke ga mbakoro kue si ala kui. Zo so awara ngu ngbangbo oko si lo kui, andaa lo ngba maseka mingi. Zo so akui kozo titene lo wara ngu ngbangbo oko, a baa lo tongana zo so a deba lo debango.

Jérémie 13:23

Zo ti Etiopii alingbi ti gbian poro ti tere ti lo? Ze alingbi ti zi anzoroko ti tere ti lo? Ala so sarango sioni aga ye ti tere ti ala so, ala lingbi ti sara nzoni ye?

Ezekiel 13:18

Fade mo yeke tene: Tënë so mbi Kota Gbia NZAPA, mbi tene ayeke so: Mawa na ala, awali so ayeke fu anduru yanga ti bongo ti sara na kati ti amaboko kue! Ala yeke sara abongo ti bingo na li alingbi na yongo ti azo kue. Ala yeke sara tongaso ti gbu fini ti azo ni. Ala ye ti gbu fini ti azo ti mbi si ala ye ti bata fini ti ala wani!

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

Matthieu 23:14

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade a yeke fâ ngbanga na li ti ala ngangu mingi!]

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 5:28

Ti mbi, mbi tene na ala: zo so abaa wali ti mba ti lo si asara nzara ti wali ni, andaa na be ti lo, lo gi wali ni awe.

Marc 13:22

Biani, fade amesii ti mvene na awayanga-Nzapa ti mvene ayeke ga si ala yeke sara aye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Jean 5:44

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?

Rome 16:18

ngbanga ti so azo ni ayeke sara kua ti Christ, *Kota Gbia ti e pepe, me ala yeke gi gi kobe ti ya ti ala. Anzoni tënë na anzerengo tënë ayeke sigigi na yanga ti ala ti handa na azo so le ti ala azi pepe.

1 Korente 11:19

Ti tene taa-tënë, alingbi kangbi aduti na popo ti ala, tongaso si a hinga azo so na popo ti ala ayeke sara ye na legeni.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

Efeze 4:14

Fade e yeke kiri ti duti tongana akete molenge pepe so *mapo ti atënë nde nde ayingi ala, so pupu ti azo ti mvene nga na fango ye ti ala na lege ti mayere ahon na ala kirikiri tongana ngo na le ti ngu.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.

Jacques 1:8

Lo yeke zo ti be use si lo hinga li ti lo na ye so lo ye ti sara pepe.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

2 Pierre 3:16

Na ya ti ambeti so kue lo su na ndö ti tënë so, gi oko tënë so laa lo tene. Na ya ti ambeti ni, ambeni tënë ni ayeke ngangu na zo ti ma ya ni; azo so ahinga ndo pepe si ade ti kpengba na lege ti tënë ti Nzapa pepe, ala yeke buba ya ti atënë ni, tongana ti so ala yeke sara na tanga ti atënë ti Mbeti ti Nzapa kue. Na sarango ye tongaso, ala yeke buba lege ti fini ti ala wani.

1 Jean 2:16

Aye ti dunia ni, so ti tene asioni nzara ti be ti zo, sarango nzara ti aye so anzere na le ti zo nga na baba so azo ayeke sara ndali ti aye so ala wara, aye so kue alondo na Babâ pepe, me alondo na dunia so.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.