2 Pierre 2:12 - Mbeti ti Nzapa - Tënë so amu fini

¹² Me sarango ye ti azo so ayeke tongana ti anyama so ahinga ndo pepe; anyama so a du ala gi titene azo agbu ala si afâ ala. Azo ni ayeke zonga ye so ala hinga nda ni pepe; fade ala yeke kui tongana anyama so.

2 Pierre 2:12 ပူးပေါင်းရင်းမြစ်များ

Abia (Psaumes) 49:10

Zo ayeke ngba ande na fini lakue? Lo yeke li ande na du ti kuâ pepe?

Abia (Psaumes) 92:6

KOTA GBIA, aye so mo sara ayeke kota mingi! Atënë ti be ti mo ali mingi!

Abia (Psaumes) 94:8

Ala abuba zo so, mbeni zo ti buba ti lingbi na ala ayeke daa? Ala sara hange si! Ala, azo so li ti ala ayeke daa pepe so, ala yeke hinga ande ndo lawa?

Amato 14:32

Zo ti sioni ayeke ti ndali ti sioni sarango ye ti lo; ti zo ti mbirimbiri, ataa lo gue ti kui, be ti lo awoko pepe.

Jérémie 10:21

Ndali ti azo ti li ni laa ye so asi: ala yeke azo so li ti ala ayeke daa pepe, ala gi lege ti KOTA GBIA pepe. Ndani laa, kua ti ala ali ngu si azo so lani ayeke na gbe ti ala, ala kue akangbi kirikiri.

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 12:3

Ti mbi KOTA GBIA, mo hinga mbi, mo baa mbi, mo hinga so be ti mbi ayeke nduru na mo. Ti azo ti sioni, ayeke nzoni mo zia ala na mbage tongana ataba so a bata ala ti gue na ala na ndo ti fango anyama. Ayeke nzoni mo zia ala nde ti ku na lango ti fango ala.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Jérémie 5:4

Mbi tene na be ti mbi, mbi tene: “Azo so ayeke akete zo, ala hinga ndo pepe. Ye so KOTA GBIA aye, ala hinga ni pepe; ala hinga atënë ti ndia ti Nzapa ti ala pepe.

Ezekiel 21:31

Tënë so mbi Kota Gbia NZAPA, mbi tene ayeke so: Fade a yeke zi bongo so a yeke kanga na li ti mo tongana kpoto, a yeke zi kpoto ti mo ti gbia. Ye kue ayeke ga nde! Asenge zo ayeke duti na kota ndo, akota zo ayeke ga asenge zo.

Marc 7:22

gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti buba.

Jean 8:21

Jésus akiri atene na ala: “Mbi yeke gue; fade ala yeke gi mbi, me ala yeke kui na ya ti siokpari ti ala. Ala lingbi ti gue pepe na ndo so mbi yeke gue daa.”

Galasii 6:8

Zo so alu ye ndali ti sioni nzara ti be ti lo, fade lo yeke ko lengo ti ye ti nzara ti be, so ti tene kuâ; me so zo alu ye ndali ti Yingo, fade lo yeke ko lengo ti ye ti Yingo, so ti tene fini so angba lakue lakue.

Kolose 2:22

So kue ayeke gi andia so a leke ndali ti aye so ayeke hon hongo na peko ti so azo asara kua na ni. So ayeke gi andia na afango ye ti li ti azo laa!

2 Pierre 1:4

Na lege ti aye ni, Nzapa amu na e anzoni ye ti kota ngere so lo mu ando zendo ni na e. Tongaso, ala yeke kpe lege ti sioni nzara ti sarango aye ti dunia so, asioni ye so ayeke buba azo ti dunia so si dutingo ti ala akpa ti Nzapa.

2 Pierre 2:19

Ala yeke mu zendo na azo atene, fade ala yeke zi azo ni na gbe ti ngbaa. Andaa ala wani ayeke angbaa ti aye so ayeke gboto ala ti gue na ala na kuâ, ngbanga ti so zo ayeke ngbaa ti ye so nzara ni ahon ndö ti lo.

Jude 1:10

Me ti azo ni so, ala yeke zonga aye so ala hinga nda ni pepe. Ataa aye so ala hinga, ala hinga ni tongana anyama so ayeke na ndara pepe si aye ni ayeke buba fini ti ala.