2 Pierre 2:10 - Mbeti ti Nzapa - Tënë so amu fini

¹⁰ Lo yeke fâ ande ngbanga kozoni na li ti azo so ayeke sara aye ti potopoto na lege ti nzara ti aye ti kirikiri so ayeke na be ti ala si ala baa komandema ti Nzapa tongana buba ye na le ti ala. Awafango-ye ti mvene so abaa tere ti ala tongana azo so alingbi awe; baba ahon ndö ti ala, ayingo ti yayu so ayeke na gonda, azo ni akpe mbeto ti ala pepe si ala yeke zonga ala.

2 Pierre 2:10 ပူးပေါင်းရင်းမြစ်များ

Tongo nda ti aye 49:6

Mbi ye ti li na ya ti bongbi ti lekengo tënë ti ala pepe, mbi yeke bongbi tere na ala pepe. Na ya ti ngonzo ti ala, ala fâ zo, ndali ti nzerengo tere ti ala, ala fâ ngbongo ti akoli-bagara.

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

Abia (Psaumes) 12:4

Ayeke nzoni KOTA GBIA ahunzi azo ti handango zo so kue; lo fu yanga ti azo ti sioni yanga

Sigingo 22:28

“Ale ti kobe ti ala na ale ti vinye ti ala, ti mbi mbage ni, ala ku kungo pepe ti ga na ni na mbi. “Fade ala zia nde ndali ti mbi kozo molenge ti ala ti koli.

Zo ti bongbingo azo 10:20

Mo kasa gbia na ya ti be ti mo pepe. Mo kasa zo ti mosoro pepe, ataa na ya ti kubu ti mo, ngbanga ti ndeke amu tënë ni ti hon na ni si lo fa peko ni na zo.

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Wungo ti azo 15:30

“Me tongana mbeni zo ti Israel, wala mbeni wande asara siokpari gi na mbana ti be ti lo, andaa lo zonga KOTA GBIA awe. Fade a yeke tumba lo na ya ti bongbi ti azo ti lo.

Nzoni Tënë so Luc asu na mbeti 11:25

So lo kiri lo si, lo wara da ni, andaa a balee ya ni, a leke ni kue nzoni awe.

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Awatokua 23:5

Paul akiri tënë, atene: “A-ita, mbi hinga fade pepe, mbi tene, lo yeke kota wayango-sandaga. Biani, Mbeti ti Nzapa atene: ‘Mo tene sioni tënë na tere ti makonzi ti mara ti mo pepe.’ ”

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

1 Korente 6:9

Ala hinga pepe? Azo ti sarango sioni, fade *Kodro-gbia ti Nzapa ayeke ga ti ala pepe. Ala handa tere ti ala pepe: azo ti gingo wali wala gingo koli kirikiri, azo ti vorongo anzapa nde, azo ti gingo wali wala koli ti amba ti ala, akoli so ayeke lango na amba ti ala akoli,

2 Korente 10:3

Taa-tënë, e yeke azo ti sese so, me e yeke tiri bira tongana ti azo ti sese so pepe.

Efeze 4:19

Ala hinga popo ti sioni na nzoni pepe, nilaa ala mu tere ti ala ti sara gi aye ti ndumba si ala yeke hon gi hongo na peko ti *asioni ye, kamene asara ala oko pepe.

Efeze 5:5

Alingbi ala hinga nzoni atene, azo ti sarango ye ti ndumba, azo ti sarango ye ti kamene nga na azo so kota nzara ti warango ye ayeke na be ti ala, *Kodro-gbia ti Christ na ti Nzapa ayeke ga ti ala pepe. – Andaa sarango kota nzara ti warango ye ayeke mbeni lege ti vorongo anzapa nde. –

Kolose 3:5

Tongaso, ala zi anzara ti sarango asioni ye ti dunia so na be ti ala: sarango ye ti ndumba, sarango ye ti kamene, nzara ti tere, nzara ti sarango asioni ye nga na kota nzara ti warango ye; so ayeke mbeni lege ti vorongo anzapa nde.

1 Tesalonike 4:7

Biani, Nzapa airi e ti duti na ya ti ye ti potopoto pepe, me lo iri e ti ga azo so ayeke nde si ayeke nzoni kue.

2 Timothée 3:2

Azo ayeke ga azo ti kion, nzara ti nginza ayeke hon ndö ti ala, ala yeke pika kate ti ala si ala yeke gonda tere ti ala; ala yeke zonga Nzapa si ala yeke sara ngangu li na ababâ na amama ti ala. Ala yeke hinga anzoni ye so a sara na ala pepe si ala yeke kpe ye ti Nzapa oko pepe.

Tite 1:7

Zo ti li ti Eglize ayeke wabatango lege ti aye ti Nzapa, nilaa alingbi lo yeke zo so tënë ayeke na li ti lo pepe. Lo yeke zo ti pikango kate pepe, zo ti ngonzo pepe, ngbaa ti samba pepe, zo ti tiri pepe; lo yeke zo ti warango nginza na lege ti likisi pepe.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

Jude 1:10

Me ti azo ni so, ala yeke zonga aye so ala hinga nda ni pepe. Ataa aye so ala hinga, ala hinga ni tongana anyama so ayeke na ndara pepe si aye ni ayeke buba fini ti ala.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Jude 1:18

Awatokua ni atene na ala: “Na lango ti ndani, azo ayeke he ala na ngia, azo ti sioni so ayeke sara ye alingbi gi na asioni nzara ti be ti ala.”

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

1 Samuel 10:27

Me ambeni buba zo atene: “Koli so ayeke soo ande e na kuâ tongana nyen?” Ala baa lo tongana mbeni mbumbuse zo si ala ke ti ga na akadoo na lo. Me Saul azi yanga daa oko pepe.