2 Mbai 9:8 - Mbeti ti Nzapa - Tënë so amu fini

⁸ Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na iri ti lo na ndö ti Israel! Nzapa ti mo aye azo ti Israel, lo ye si ala ngba kpu na kpu, nilaa lo zia mo gbia na ndö ti ala titene mo fâ ngbanga mbirimbiri si mo sara ye na lege ti ndia.”

2 Mbai 9:8 ပူးပေါင်းရင်းမြစ်များ

2 Samuel 23:3

Nzapa ti Israel atene tënë, Kota Têne so azo ti Israel ayeke luti na ndö ni atene na mbi: “Gbia so ayeke bata azo ti lo mbirimbiri si lo yeke bata azo ti lo na lege ti kpengo mbeto ti Nzapa,

2 Samuel 8:15

David ale-gbia na ndö ti azo ti Israel kue; lo fâ ngbanga ti azo ti lo kue na legeni mbirimbiri.

1 Agbia 10:9

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na ndö ti Israel! KOTA GBIA aye azo ti Israel kpu na kpu, nilaa lo zia mo gbia titene mo fâ ngbanga mbirimbiri si mo sara ye na lege ti ndia”.

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

1 Mbai 17:22

Mo mu azo ti Israel titene ala duti azo ti mo kpu na kpu; ti mo KOTA GBIA, mo ga Nzapa ti ala.

1 Mbai 28:5

KOTA GBIA amu na mbi amolenge-koli mingi. Na popo ti amolenge ni, lo soro Salomon, molenge ti mbi titene lo duti na ndö ti mbata ti gbia na sese ti Israel si lo le-gbia na iri ti KOTA GBIA.

1 Mbai 29:10

David amu singila na *KOTA GBIA na dawa ti bongbi ti azo ni kue, lo tene: “Singila na KOTA GBIA, Nzapa ti kotara ti e Jacob, ngbene ye kpu na kpu, lakue lakue!

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

1 Mbai 29:23

Salomon aduti na ndö ti mbata ti gbia so KOTA GBIA amu na lo. Lo ga gbia na plase ti babâ ti lo David. Aye so kue lo yeke sara aga nzoni si azo ti Israel kue ayeke ma yanga ti lo.

2 Mbai 13:8

Fadeso, ala ye ti londo ti ke kodro-gbia so KOTA GBIA amu na *ahale ti David. Yeroboam, mo na azo ti mo, ala yeke gbani gbani si na popo ti ala, ala yeke na abagara ti lôro so Yeroboam asara titene aga anzapa ti ala.

2 Mbai 2:10

Hiram, gbia ti Tir asu mbeti ti kiri tënë na Salomon, atene: “Ngbanga ti so KOTA GBIA aye azo ti lo, nilaa lo zia mo gbia na ndö ti ala.

2 Mbai 2:11

Mbi mu singila na KOTA GBIA, Nzapa ti Israel so asara yayu na sese, ngbanga ti so lo mu na David mbeni molenge so ayeke na ndara, li ti lo ayeke daa si lo hinga ndo nzoni, lo ye ti sara da ndali ti KOTA GBIA si lo ye nga ti sara yangbo ndali ti lo wani.

2 Mbai 9:7

Ti ala nzoni, azo ti mo! Ti ala nzoni, azo ti kua ti mo, ala so ayeke duti na tere ti mo lakue ti ma atënë ti ndara ti mo so!

2 Mbai 9:9

Na pekoni, gbia-wali ni amu na gbia Salomon kilo ti lôro saki ota na ngbangbo oku, ayombo gbani gbani nga na atêne ti ngangu ngere. Yombo so gbia-wali ti Saba amu na gbia Salomon, zo ade ti baa mara ni laoko pepe.

Abia (Psaumes) 18:19

Na lango so ye ti ngangu asi na mbi, awato ti mbi alondo ti tiri na mbi, me KOTA GBIA aga amu maboko na mbi.

Abia (Psaumes) 22:8

Azo so kue abaa mbi, ala yeke he mbi hengo; ala yeke sara yanga ti ala si ala yeke yingi li ti ala.

Abia (Psaumes) 72:2

tongaso si lo fâ ngbanga ti azo ti mo na lege ti mbirimbiri si lo fâ ngbanga ti azo ti mawa na legeni mbirimbiri.

Abia (Psaumes) 99:4

Ayeke nzoni azo agonda ngangu ti mo gbia, mo so mo ye fango ngbanga na legeni. Mo laa mo zia na sese atënë ti ndia. Mo laa mo zia na azo ti Israel tënë ti fango ngbanga na legeni na sarango ye ti mbirimbiri.

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Amato 29:4

Gbia so asara ye na lege ti mbirimbiri, ye ayeke ga nzoni na ya ti kodro; me lo so lo hunda lapo ahon ndoni, lo yeke buba kodro.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 62:4

Azo ayeke kiri ti iri mo pepe, “Gbata so azo ado azia”, azo ayeke kiri ti di iri ti kodro ti mo pepe, “Sese so aga ngonda awe”. Me azo ayeke di iri ti mo, “Wali so mbi yeke wara ngia na lege ti lo”, azo ayeke di iri ti sese ti mo, “Wali ti koli”. Biani, fade KOTA GBIA ayeke wara ngia na lege ti mo si sese ti mo ayeke ga wali ti koli.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Ndia ti fani use ni 7:8

Me KOTA GBIA aye ala, lo ye ti sara ye so lo deba yanga ti lo lani daa na akotara ti ala. Nilaa, na lege ti ngangu ti maboko ti lo, lo sara si ala sigigi na sese ti Ezipte, ndo so lani ala yeke angbaa daa. Lo zi nga ala na gbe ti komandema ti Faraon, gbia ti Ezipte.