2 Mbai 9:4 - Mbeti ti Nzapa - Tënë so amu fini

⁴ kobe so ayeke na ndö ti meza ti lo, da ti lango ti azo ti yangbo ti lo, lege so azo ti gbe ti lo ayeke sara kua ti ala, bongo so ala yeke yu, amakonzi ti azo ti mungo samba na lo nga na bongo so ala yeke yu; lo baa gbia so ayeke na li ti azo so ayeke tambula ti gue na ya ti kota da ti *KOTA GBIA. Na bango aye so kue, li ti gbia-wali ni kue akpe.

2 Mbai 9:4 ပူးပေါင်းရင်းမြစ်များ

1 Agbia 10:5

kobe so ayeke na ndö ti meza ti lo, da ti lango ti azo ti yangbo ti lo, lege so azo ti gbe ti lo ayeke sara kua ti ala, amakonzi ti mungo samba na lo; lo baa nga *asandaga so a yeke gbi kue na wâ so Salomon ayeke mu ni na ya ti kota da ti KOTA GBIA. Na bango aye so kue, li ti gbia-wali ni kue akpe.

1 Agbia 5:2

Na ya ti lango oko oko, kobe so alingbi na Salomon na azo ti kua ti lo ayeke tongaso: kilo 9 000 ti nzoni farini na kilo 18 000 ti farini;

1 Agbia 5:3

abagara baleoko ti mafuta, abagara baleuse so ayeke te pere nga na ataba ngbangbo oko. Ambeni nyama ni ayeke: atagba, adengbe, alekpa na andeke ti kodro so ayeke na mafuta.

2 Agbia 16:18

Titene be ti gbia ti Asirii anzere na lo, gbia Ahaz asanze veranda so iri ni “Veranda ti *lango ti wungo tere”; veranda so a leke na ya ti kota da ti KOTA GBIA so. Lo sanze nga yanga ti gbagba so ayeke na mbage ti gigi so iri ni “Yanga-da ti gbia”.

1 Mbai 9:18

*Ahale ti ala laa angba ti sara kua na yanga ti gbagba so abaa ndo na mbage so lâ ayeke londo daa ngbii asi laso, so ti tene yanga ti gbagba ti gbia. Akotara ti ala laa ayeke ando azo ti batango yanga ti bâbâ ti azo ti mara ti Lévi.

2 Mbai 23:13

Lo baa ndo si lo baa gbia so ayeke luti na ndö ti mbeni ye so a leke na nduzu titene agbia aluti daa, na yanga ti kota da ti Nzapa. Amakonzi na azo ti hurungo tatalita ayeke nduru na tere ti gbia. Azo ti kodro kue ayeke na ngia si ambeni ayeke huru tatalita. Azo ti pikango mozoko ayeke pika aye ti mozoko ti ala; azo ti hengo bia amu agbakuru ti bia ti ala si ala yeke mu li ti abia ti sepelango Nzapa. Atalii asuru bongo na tere ti lo si lo dekongo, lo tene: “So kango zo laa! So kango zo laa!”

2 Mbai 9:3

Gbia-wali ti Saba abaa ndara ti Salomon, yangbo so lo sara,

2 Mbai 9:5

Tongaso lo tene na gbia: “Tënë so mbi ma na kodro ti mbi kâ na ndö ti mo nga na ndö ti ndara ti mo ayeke taa-tënë biani.

Néhémie 1:11

KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Abia (Psaumes) 119:81

Mbi woko kue na kungo mo titene mo ga, mo soo mbi; mbi zia be ti mbi ti ku tënë ti mo.

Abia (Psaumes) 143:7

KOTA GBIA, kiri tënë na mbi hio, be ti mbi awoko kue awe! Honde le ti mo na mbi pepe, tongaso pepe, fade mbi yeke ga tongana azo so ayeke li na ya ti du ti kuâ.

Amato 9:5

“Ala ga, ala te kobe ti mbi, ala nyon vin so mbi leke ni awe so!

B. ti abia 5:8

Ala amaseka-wali ti Jérusalem, mbi voro ala mingi, tongana ala wara tere na kamba ti be ti mbi, tënë ti nyen laa ala yeke tene ande na lo? Ala tene: yengo so mbi ye lo so asara mbi kobela.

Ezekiel 44:3

Me makonzi ti kodro alingbi ti duti na ndo so ti te kobe na dawa ti mbi KOTA GBIA. Lo yeke li na ya ti kota kubu ti yanga ni si lo sigigi gi na oko lege ni so.”

Ezekiel 46:2

Makonzi ayeke ga, lo li na lege ti kota kubu ti yanga ni ti gigi. Lo yeke luti na tere ti adere ti yanga ti da. Awayango-sandaga ayeke ya *sandaga so a yeke gbi ni kue na wâ nga na sandaga ti beoko ndali ti lo. Na ya ti yanga ti gbagba ni, makonzi ni ayeke kuku akpo li ti lo na sese; na pekoni, lo yeke sigigi. Yanga ti gbagba ni ayeke kanga pepe ngbii asi na lakui.

Daniel 10:17

Mbi yeke gi senge zo ti kua ti babâ. Mbi lingbi ti tene tënë na zo tongana mo so tongana nyen? Baa fadeso, mbi yeke na ngangu pepe si pupu ti ya ti mbi ayeke nga daa pepe!’

Matthieu 6:29

Me mbi tene na ala: ataa Salomon so ayeke ando na amosoro mingi, pendere ti abongo so lo yu alingbi na pendere ti akongo ni oko pepe.

Nzoni Tënë so Luc asu na mbeti 12:37

Ti ala nzoni, ala azo ti kua so makonzi ti ala ayeke kiri si lo yeke wara ala na lango pepe! Mbi tene na ala taa-tënë: fade makonzi ti ala ni ayeke yu bongo ti kua, lo yeke mu ndo na ala ti duti na tere ti meza si lo wani, lo yeke mu kobe na ala.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,

Aye so Nzapa afa 3:20

Baa, mbi yeke luti na yanga ti da si mbi yeke pika ni. Zo so ama go ti mbi si lo zi yanga ti da ni, fade mbi yeke li na ya ti da ti lo si mbi na lo, e yeke te kobe.