2 Mbai 9:29 - Mbeti ti Nzapa - Tënë so amu fini

²⁹ Tanga ti atënë na ndö ti Salomon, na tongo nda ni ngbii asi na ndani, na aye so kue lo sara, a su tënë ni na ya ti “Mbeti ti aye so wayanga-Nzapa Natan asara”, “Mbeti ti aye so Ahia, zo ti Silo atene na peko ti yanga ti Nzapa” nga na ya ti “Mbeti ti aye so zo ti bango nda ti aye Yedo abaa na ya ti mbeni ye tongana bango-li”. Ota mbeti ni so ayeke tene tënë na ndö ti Yeroboam, molenge ti Nebat.

2 Mbai 9:29 ပူးပေါင်းရင်းမြစ်များ

2 Samuel 12:1

*KOTA GBIA atokua wayanga-Nzapa Natan na David. Natan ague, awara lo si atene na lo: “Na ya ti mbeni kodro, akoli use ayeke daa; mbeni ayeke zo ti mosoro, mbeni ayeke zo ti mawa.

2 Samuel 12:25

KOTA GBIA amu yanga na wayanga-Nzapa Natan ti zia iri na ndö ti molenge ni. Nilaa Natan adi iri ti molenge ni Yedidia, so ti tene “KOTA GBIA aye lo”.

1 Agbia 1:8

Me wayango-sandaga Sadok, na Benaya, molenge ti Yoyada, na wayanga-Nzapa Natan, Shimei, Rei nga na akpengba turugu ti gbia David ake ti mu peko ti Adonia.

1 Agbia 11:26

Yeroboam, molenge ti Nebat ayeke mbeni zo ti kua ti Salomon. Nebat ayeke zo ti mara ti Efraim, zo ti kodro ti Sereda; iri ti mama ti lo ayeke Serua, mbeni wali-mua. Yeroboam atomboka na tere ti gbia.

1 Agbia 11:29

Na ngoi ni so, Yeroboam asigigi na ya ti gbata ti Jérusalem. Wayanga-Nzapa Ahia, zo ti kodro ti Silo atengbi lo na lege. Ala yeke gi ala use na ya ti ngonda. Ahia ayu fini bongo;

1 Agbia 14:2

Yeroboam atene na wali ti lo: “Mo yu bongo nde titene azo ahinga atene, mo laa wali ti gbia pepe. Na pekoni, mo gue na Silo. Wayanga-Nzapa Ahia ayeke kâ. Lo laa lo tene na mbi, lo tene, fade mbi yeke ga gbia ti azo ti Israel.

1 Mbai 29:29

Atënë na ndö ti gbia David, na tongo nda ni ngbii asi na ndani, a su na ya ti abuku ti ambai ti awayanga-Nzapa Samuel, Natan na Gad.

2 Mbai 10:2

Me Yeroboam, molenge ti Nebat ama tënë ni na ndembe so lo yeke na Ezipte. Lo gue lani kâ, ngbanga ti so lo kpe gbia Salomon. So lo ma a tene, azo ti Israel abongbi na Sishem, lo londo na Ezipte lo ga.

2 Mbai 12:15

Aye so Roboam asara, na tongo ndani ngbii asi na ndani, a su tënë ni na molongo ni, na molongo ni na ya ti “Mbeti ti aye so wayanga-Nzapa Shemaya na Ido, zo ti bango nda ti aye asara”. Bira angba lakue na popo ti Roboam na Yeroboam.

2 Mbai 13:22

Tanga ti atënë na ndö ti Abia, aye so lo sara na atënë so lo tene, a su tënë ni kue na ya ti “Mbeti ti dango be ti wayanga-Nzapa Ido”.