2 Mbai 9:20 - Mbeti ti Nzapa - Tënë so amu fini

²⁰ Akopo ti gbia Salomon kue ayeke na lôro; asembe so kue ayeke na ya ti da so a iri ni “Gbako-ti-Liban” ayeke na lôro ti nzoni ni. Mbeni ye oko so a sara ni na wen ti nginza ayeke daa pepe. Na ngoi ti gbia Salomon, azo abaa wen ti nginza tongana senge ye na le ti ala.

2 Mbai 9:20 ပူးပေါင်းရင်းမြစ်များ

1 Agbia 10:21

Akopo ti gbia Salomon kue ayeke na lôro; asembe so kue ayeke na ya ti da so a iri ni “Gbako-ti-Liban” ayeke na lôro ti nzoni ni. Mbeni ye oko so a sara ni na wen ti nginza ayeke daa pepe. Na ngoi ti gbia Salomon, azo abaa wen ti nginza tongana senge ye na le ti ala.

2 Mbai 9:19

A sara nga alimo baleoko na use ti abamara so aluti na ndö ti eskalie, na ndo so a yeke bi gere daa ti ko na ndö ti mbata ni so: limo omene ti abamara ayeke na mbage ti maboko ti koli, omene na mbage ti maboko ti wali. Zo ade ti sara mara ti ye tongaso laoko pepe na ya ti mbeni kodro-gbia.

2 Mbai 9:21

Biani, gbia ayeke na amangboko so ayeke gue na Tarsis; azo ti gbia Hiram laa ayeke kpe na ni. Lakue na peko ti ngu ota ota, amangboko ti Tarsis ayeke yo gba ti lôro, wen ti nginza, pembe ti doli, amakako nga na apendere ndeke ti ga na ni.

2 Mbai 9:27

Gbia asara si wen ti nginza asi singo na Jérusalem tongana têne; lo sara si keke ti sedre asi singo tongana akeke ti sikomor na *Kodro-ti-gbeni.

Esther 1:7

A kangbi samba na azo ni na ya ti akopo nde nde so ayeke na lôro. Vin ti gbia ayeke sua suango tongana ngu si a mu na azo alingbi na nzoni be ti gbia.

Ésaïe 2:22

Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Jérémie 31:5

Mo yeke kiri ti lu *avinye na ndö ti ahoto ti Samarii; azo so alu ni, fade ala yeke baa nzoni daa.

Matthieu 6:29

Me mbi tene na ala: ataa Salomon so ayeke ando na amosoro mingi, pendere ti abongo so lo yu alingbi na pendere ti akongo ni oko pepe.