2 Mbai 9:12 - Mbeti ti Nzapa - Tënë so amu fini

¹² Ti gbia Salomon, lo mu na gbia-wali ti Saba aye so kue be ti lo aye nga na aye so kue lo hunda. Aye ni akiri ahon ye so lo ga na ni na gbia. Na pekoni, gbia-wali na azo ti yangbo ti lo akiri na kodro ti ala.

2 Mbai 9:12 ပူးပေါင်းရင်းမြစ်များ

1 Agbia 10:13

Ti gbia Salomon, lo mu na gbia-wali ti Saba aye so kue be ti lo aye nga na aye so kue lo hunda. Na ndoni, Salomon amu na lo ambeni nzoni ye mingi alingbi na nengo ti lo ti gbia. Na pekoni, gbia-wali na azo ti yangbo ti lo akiri na kodro ti ala.

2 Mbai 9:11

Gbia amu keke ti santal ni, lo leke na sese ti ya ti kota da ti KOTA GBIA na ti yangbo ti lo pendere pendere. Lo mu nga keke ni, lo sara na aye ti mozoko, akete kundi na akota kundi ndali ti azo ti hengo bia. Zo ade ti baa mara ti ye so kozoni pepe na sese ti Juda.

2 Mbai 9:13

Nengo ti lôro so gbia Salomon ayeke wara na ya ti ngu oko oko ayeke kilo saki baleuse.

Abia (Psaumes) 20:4

Ayeke nzoni lo dabe ti lo na asandaga so kue mo mu na lo; ayeke nzoni lo yeda na asandaga ti mo so a gbi ni kue na wâ. Luti kete

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.