2 Mbai 9:11 - Mbeti ti Nzapa - Tënë so amu fini

¹¹ Gbia amu keke ti santal ni, lo leke na sese ti ya ti kota da ti KOTA GBIA na ti yangbo ti lo pendere pendere. Lo mu nga keke ni, lo sara na aye ti mozoko, akete kundi na akota kundi ndali ti azo ti hengo bia. Zo ade ti baa mara ti ye so kozoni pepe na sese ti Juda.

2 Mbai 9:11 ပူးပေါင်းရင်းမြစ်များ

1 Agbia 10:12

Gbia amu keke ti santal ni, lo sara na kete gbagba ti tere ti eskalie ndali ti kota da ti KOTA GBIA nga ndali ti yangbo ti lo. Lo mu nga keke ni, lo sara na aye ti mozoko, akete kundi na akota kundi ndali ti azo ti hengo bia. Keke ti santal so aga na ni lani na Israel, zo ade ti baa mara ni laoko pepe ngbii asi laso.

1 Mbai 23:5

azo 4 000 tongana azo ti batango yanga ti da si azo 4 000 ti sepela KOTA GBIA na aye ti mozoko so lo leke ndali ni.

1 Mbai 25:1

David na amakonzi ti abongbi azia ambeni *hale ti Asaf, ti Heman na ti Yedutun nde ti sara kua ti Nzapa. Ala yeke he bia ti tene atënë so alondo na Nzapa si ala yeke pika na gbe ni akundi, akete kundi nga na awen so ayeke toto. Iri ti azo so a mu ala ndali ti kua ni ayeke so:

2 Mbai 2:8

si ala yeke leke nga gba ti akeke na mbi, ngbanga ti so da so mbi ye ti sara so ayeke kono mingi si ayeke duti ye ti dongo be.

2 Mbai 9:10

Azo ti kua ti Hiram na ala ti Salomon so lani amu lôro na kodro ti Ofir si aga na ni, ala ga nga na keke ti santal na atêne ti ngangu ngere.

2 Mbai 9:12

Ti gbia Salomon, lo mu na gbia-wali ti Saba aye so kue be ti lo aye nga na aye so kue lo hunda. Aye ni akiri ahon ye so lo ga na ni na gbia. Na pekoni, gbia-wali na azo ti yangbo ti lo akiri na kodro ti ala.

Aye so Nzapa afa 5:8

So lo mu ni awe, aye osio so ayeke na fini na akangba baleuse na osio kue akuku na gbe ti lo. Ala kue ayeke na akundi nga na akopo ti lôro so yombo asi singo na ya ni; yombo ni ayeke sambela ti azo ti Nzapa.