2 Mbai 8:8 - Mbeti ti Nzapa - Tënë so amu fini

⁸ Azo ni so angba na ya ti kodro ni, ngbanga ti so azo ti Israel afâ ala kue kue kue pepe; Salomon amu ala ti sara angangu kua. *Ahale ti ala angba ti sara angangu kua ni ngbii asi laso.

2 Mbai 8:8 ပူးပေါင်းရင်းမြစ်များ

1 Agbia 4:6

Ahishar ayeke makonzi ti yangbo ti gbia; Adoniram, molenge ti Abda ayeke makonzi na ndö ti azo ti sarango kua ti ngangu.

1 Agbia 9:10

Na peko ti ngu baleuse, Salomon ahunzi ti sara ada use: kota da ti *KOTA GBIA na yangbo ti lo wani.

1 Agbia 9:21

Azo ni so angba na ya ti kodro ni, ngbanga ti so azo ti Israel awara lege ti fâ ala kue pepe; Salomon amu ala ti sara angangu kua ti ngbaa. *Ahale ti ala angba ti sara akua ni ngbii asi laso.

2 Mbai 2:16

Salomon adiko wungo ti awande so kue ayeke na Israel, ala so babâ ti lo David adiko ala lani awe so; wungo ti ala kue ayeke 153 600.

2 Mbai 8:9

Me Salomon agbu mbeni ti zo ti Israel oko pepe na ngbaa ti sara akua ti lo, ngbanga ti so ala yeke aturugu, aturugu ti lo ti kota kamba, amakonzi ti azo ti kpengo na apusu ti lo ti bira wala azo ti kpengo na ambarata ti lo.

Abia (Psaumes) 106:34

KOTA GBIA amu yanga na ala ti fâ azo ti Kanaan, me ala fâ azo ni pepe.

Josué 16:10

Azo ti mara ti Efraim atumba azo ti Kanaan so ayeke lango na Gezer so pepe. Ala ngba ti lango na popo ti azo ti mara ti Efraim ngbii asi laso. Me azo ti mara ti Efraim amu na ala akua ti ngbaa titene ala sara ni.

Josué 17:13

Ataa so azo ti Israel awara ngangu ahon ndoni, ala wara lege ti tumba azo ti Kanaan pepe; me ala mu na azo ti Kanaan ni ambeni ngangu kua titene ala sara.