2 Mbai 8:6 - Mbeti ti Nzapa - Tënë so amu fini

⁶ Lo kiri lo leke gbata ti Baalat, na agbata so kue lo yeke bata akobe daa, na agbata so lo yeke bata apusu ti bira ti lo na ambarata ti lo daa. Aye so kue be ti Salomon aye ti leke, lo leke ni na Jérusalem, na ndö ti hoto ti Liban nga na ya ti akodro so kue ayeke na gbe ti komandema ti lo.

2 Mbai 8:6 ပူးပေါင်းရင်းမြစ်များ

1 Agbia 10:26

Salomon abongbi apusu ti bira nga na ambarata: apusu ti bira ayeke saki oko na ngbangbo osio, ambarata ayeke saki baleoko na use. Lo bata ambeni pusu ni nga na ambarata ni na tere ti lo na Jérusalem; lo bata nga ambeni na ya ti agbata so a leke ndali ni.

1 Agbia 7:2

Lo sara kozoni mbeni da so iri ni “Gbako-ti-Liban”. Yongoro ti da ni ayeke metere baleoku, konongo ni ayeke metere baleuse na oku, yongo ni na nduzu ayeke metere baleoko na oku. Lo sara da ni na ndö ti angbongboro gere ni osio so ayeke na keke ti sedre. Ayongoro keke ti gbungo-li ti da ni ayeke nga na keke ti sedre si aduti na ndö ti angbongboro gere ti da ni so.

1 Agbia 9:1

So Salomon ahunzi ti sara kota da ti *KOTA GBIA na yangbo ti lo wani si lo hunzi nga ti sara aye so kue be ti lo aye awe,

2 Mbai 1:14

Salomon abongbi apusu ti bira nga na ambarata: apusu ti bira ayeke saki oko na ngbangbo osio, ambarata ayeke saki baleoko na use. Lo bata ambeni pusu ni nga na ambarata ni na tere ti lo na Jérusalem; lo bata ambeni na ya ti agbata so a leke ndali ni.

2 Mbai 17:12

Ngangu ti Yosafat ayeke gue guengo na nduzu. Nilaa na sese ti Juda, lo sara agbata so angangu gbagba ayeke na tere ni nga na agbata so a yeke bata akobe daa.

2 Mbai 8:4

Lo kiri lo leke gbata ti Tadmor so ayeke na benyama; lo leke nga agbata so kue ayeke na sese ti Hamat titene lo bata akobe daa.

2 Mbai 8:5

Lo kiri lo leke Bet-Horon-ti-nduzu na Bet-Horon-ti-gbeni, agbata so a sara ngangu gbagba na tere ni, gbagba ayeke na tere ni si a kanga yanga ni na angbongboro wen.

2 Mbai 8:7

Ambeni zo angba na ya ti kodro ni so ala yeke ti Israel pepe: azo ti mara ti Het, ti Amon, ti Perizi, ti Hivi nga na ti Yebus.

Zo ti bongbingo azo 2:4

Mbi sara akota kua mingi: mbi sara ada ti mbi wani, mbi fâ ayaka ti vinye;

B. ti abia 4:8

Mo so mo yeke ga wali ti mbi so, londo na hoto ti Liban, mo ga na tere ti mbi; londo na hoto ti Liban, mo ga na tere ti mbi si! Londo na li ti ahoto ti Amana, na li ti hoto ti Senir nga na ti Hermon, mo zu hio si! Mo zia du ti abamara, mo zia li ti ahoto ti ze so, mo hon.

Josué 19:44

Elteke, Gibeton, Baalat,