2 Mbai 8:15 - Mbeti ti Nzapa - Tënë so amu fini

¹⁵ Yanga so gbia amu ndali ti awayango-sandaga nga ndali ti azo ti mara ti Lévi, wala ndali ti ada ti batango mosoro, zo oko alingbi ti zia ni ti sara mbeni ye nde pepe.

2 Mbai 8:15 ပူးပေါင်းရင်းမြစ်များ

1 Agbia 7:51

So gbia Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba; lo zia aye ni na ya ti kubu so ayeke bata ka amosoro ti da ti KOTA GBIA daa.

1 Mbai 9:29

Ambeni zo ni ayeke baa ndo na ndö ti asembe, aye so a zia nde ndali ti Nzapa, farini, vin, mafuta, dukani na yombo.

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

2 Mbai 8:14

Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

2 Mbai 8:16

Lege so Salomon ahunzi na akua ti lo kue laa: ti to ndani na lango so a lu gere ti kota da ti KOTA GBIA ngbii asi na lango so da ni ahunzi. Kua ti kota da ni ahunzi nzoni mingi.