2 Mbai 8:14 - Mbeti ti Nzapa - Tënë so amu fini

¹⁴ Salomon asara ye alingbi na ye so babâ ti lo David amu yanga na lo ti sara: lo zia awayango-sandaga na yanga ti kua ti ala; lo zia nga azo ti mara ti Lévi na yanga ti kua ti ala titene ala yeke he bia ti sepela KOTA GBIA nga ti sara kua na ya ti lango oko oko na tere ti awayango-sandaga. Lo zia azo ti batango ayanga ti gbagba na lege ti bongbi ti ala oko oko titene ala bata ayanga ti gbagba oko oko kue. Yanga so David, zo ti Nzapa amu laa.

2 Mbai 8:14 ပူးပေါင်းရင်းမြစ်များ

2 Samuel 23:2

Yingo ti *KOTA GBIA atene tënë na lege ti mbi; tënë ti lo ayeke na menga ti mbi.

1 Agbia 13:1

Andaa mbeni zo ti Nzapa alondo na sese ti Juda aga na Betel alingbi na yanga so *KOTA GBIA amu. Na ndembe ni so, Yeroboam angba ti gbi sandaga na ndö ti gbalaka.

1 Mbai 16:37

David azia Asaf na a-ita ti lo na tere ti sanduku ti mbuki ti KOTA GBIA titene ala sara kua ti ala lakue lakue, alingbi na ndia ti kua ni ti lango oko oko.

1 Mbai 16:42

Heman na Yedutun ayeke huru tatalita, ala yeke pika wen so atoto mingi na ambeni ye ti mozoko so ala yeke he na abia ti Nzapa. Kua ti amolenge ti Yedutun ayeke ti bata ayanga ti gbagba.

1 Mbai 23:1

David ate gigi si lo ga mbakoro awe, lo zia molenge ti lo Salomon gbia ti Israel.

1 Mbai 24:1

A kangbi *ahale ti Aaron na ya ti abongbi nde nde. Aaron adu amolenge-koli osio: Nadab, Abihu, Elazar na Itamar.

1 Mbai 24:3

David, lo na Sadok, hale ti Elazar, ala na Ahimelek, hale ti Itamar akangbi ahale ti Aaron na ya ti abongbi nde nde, alingbi na akua so ala yeke sara.

1 Mbai 25:1

David na amakonzi ti abongbi azia ambeni *hale ti Asaf, ti Heman na ti Yedutun nde ti sara kua ti Nzapa. Ala yeke he bia ti tene atënë so alondo na Nzapa si ala yeke pika na gbe ni akundi, akete kundi nga na awen so ayeke toto. Iri ti azo so a mu ala ndali ti kua ni ayeke so:

1 Mbai 26:1

A kangbi nga azo ti batango ayanga ti gbagba na ya ti abongbi nde nde. Ti azo ti kete mara ti Kore: Meshelemia, molenge ti Kore; Kore ayeke molenge ti Asaf.

1 Mbai 28:19

Tongaso David atene: “Aye so kue ayeke na ya ti mbeti so mbi wara na maboko ti KOTA GBIA; mbeti so afa akode oko oko ti sarango na aye ni.”

1 Mbai 9:17

Ala so ayeke bata yanga ti kota da ti Nzapa ayeke Shalum, Akub, Talmon, Ahiman na a-ita ti ala. Shalum laa ayeke na li ti azo ni.

1 Mbai 9:24

A zia azo ti batango ayanga ti gbagba ni na mbage osio kue: na To, na Do, na Mbongo nga na Banga.

2 Mbai 23:19

Yoyada azia nga azo na yanga ti kota da ti KOTA GBIA titene ala bata ni, tongaso si mbeni zo so aga *sioni awe na lege ti aye nde nde ali na ya ti da ni pepe.

2 Mbai 23:4

Ye so fade ala yeke sara ayeke so: tongana awayango-sandaga na azo ti mara ti Lévi ayeke to nda ti sara kua na *lango ti wungo tere, kozo bongbi ti ala ayeke bata ayanga ti kota da ti Nzapa;

2 Mbai 29:25

Gbia azia azo ti mara ti Lévi na ya ti kota da ti KOTA GBIA; awen so ayeke toto, akota kundi, na akundi ayeke na maboko ti ala. Lo sara ye ni alingbi na yanga so David, Gad, zo ti bango nda ti aye ti gbia, nga na Natan, wayanga-Nzapa amu. Andaa KOTA GBIA wani laa amu yanga so na lege ti awayanga ti lo.

2 Mbai 31:2

Ezekias azia na sese abongbi nde nde ti awayango-sandaga na ti azo ti mara ti Lévi. Na ya ti abongbi ni so, lo zia zo oko oko na yanga ti kua ti lo. Kua ti awayango-sandaga na ti azo ti mara ti Lévi ayeke ti ya *asandaga so a yeke gbi ni kue na wâ na asandaga ti beoko, kua ti hengo bia ti mungo singila na Nzapa na ti sepelango Nzapa na ya ti gbagba ti kota da ti *KOTA GBIA.

2 Mbai 35:10

Ala leke lege ti sarango matanga ni tongaso: awayango-sandaga aluti na ndo ti kua ti ala si azo ti mara ti Lévi aluti nga na ya ti bongbi ti ala, alingbi na yanga so gbia amu.

2 Mbai 35:15

Azo ti hengo bia so ayeke ahale ti Asaf angba na ndo ti kua ti ala, alingbi na yanga so David, Asaf, Heman na Yedutun, zo ti bango nda ti aye ti gbia amu. Azo ti batango ayanga ti gbagba angba na ndo ti kua ti ala; ala zia kua ti ala ahon pepe, ngbanga ti so a-ita ti ala, azo ti mara ti Lévi ayeke to kobe ndali ti ala.

2 Mbai 35:4

Ala leke tere ti ala na ya ti asewa na lege ti akete mara ti ala nga na lege ti abongbi ti kua ti ala, alingbi na ndia so David, gbia ti Israel na molenge ti lo Salomon asu na mbeti.

2 Mbai 5:11

Awayango-sandaga alondo na ndo so ayeke nde si ayeke nzoni kue si ala sigigi. Awayango-sandaga so kue ayeke daa na ngoi ni so *asukula sioni ti ala, me na lege ti molongo ti ala pepe.

2 Mbai 8:15

Yanga so gbia amu ndali ti awayango-sandaga nga ndali ti azo ti mara ti Lévi, wala ndali ti ada ti batango mosoro, zo oko alingbi ti zia ni ti sara mbeni ye nde pepe.

Esdras 6:18

A kangbi ya ti awayango-sandaga na azo ti mara ti Lévi si ala duti na ya ti abongbi nde nde, tongaso si ala lingbi ti sara kua ti Nzapa na Jérusalem, alingbi na tënë so a su na ya ti mbeti ti Moïse.

Néhémie 12:24

Amakonzi ti azo ti mara ti Lévi Hashabia, Sherebia na Yeshua, molenge ti Kadmiel aluti abaa le na ambeni zo ti mara ti Lévi, ala yeke sepela Nzapa si ala yeke gonda lo, tongana ayeke ngoi ti ala ti sarango kua na ya ti kota da ti Nzapa. Amakonzi ni asara ye alingbi na yanga so David, zo ti Nzapa amu.

Néhémie 12:25

Matania, Bakebukia, Obadia, Meshulam, Talmon na Akub, asanziri so ayeke bata yanga ti gbagba, kua ti ala ayeke ti baa ndo na ndö ti da ti mosoro so ayeke nduru na yanga ti kota da ti Nzapa.

Néhémie 12:36

Zakarii na a-ita ti lo Shemaya, Azarel, Milalai, Gilalai, Maai, Nataneel, Yehuda na Hanani ayeke tambula na peko ti ala. Ala yo agbakuru ti mozoko so David, zo ti Nzapa aleke ni. Esdras, wafango-ndia ayeke na li ti kozo bongbi ti azo ti hengo bia ni.

Nzoni Tënë so Luc asu na mbeti 1:5

Na ngoi so ando Herode ayeke gbia ti Judée, mbeni wayango-sandaga ayeke daa, iri ti lo Zakarii. Lo yeke mbeni zo ti ya ti bongbi ti awayango-sandaga ti sewa ti Abia; iri ti wali ti lo ayeke Élisabeth; lo nga lo yeke mbeni *hale ti Aaron.

Nzoni Tënë so Luc asu na mbeti 1:8

Ngoi ti Zakarii ti sara kua ti yango sandaga na le ti Nzapa alingbi; so ayeke ngoi titene lo na azo ti bongbi ti lo asara kua.

Awatokua 13:22

So Nzapa azi lo awe, lo mu David, lo zia lo gbia na ndö ti ala. Nzapa atene tënë ti lo, atene: ‘Mbi wara David, molenge ti Yese, zo so be ti mbi aye lo, fade lo yeke sara aye so kue be ti mbi aye.’

Awatokua 13:36

Na ngoi so David angba na fini, lo sara ye so kue Nzapa aye lo ti sara. Na pekoni lo kui, a lu lo na tere ti akotara ti lo si lo fun.

Ndia ti fani use ni 33:1

So ayeke tufa so Moïse, zo ti Nzapa, asara na ndö ti azo ti Israel kozo titene lo kui laa.