2 Mbai 8:13 - Mbeti ti Nzapa - Tënë so amu fini

¹³ Lo yeke mu asandaga ni na ya ti lango oko oko alingbi na ndia so Moïse afa: na *lango ti wungo tere, na matanga ti fini nze nga na alango ti akota matanga ota so ayeke na ya ti ngu oko: matanga ti Mapa so a sara na mama ni pepe, matanga ti Pantekote na matanga ti Akpangba.

2 Mbai 8:13 ပူးပေါင်းရင်းမြစ်များ

1 Agbia 9:25

Fani ota na ya ti ngu oko oko, Salomon ayeke mu *asandaga so a yeke gbi ni kue na wâ nga na sandaga ti beoko na ndö ti gbalaka so lo sara ndali ti KOTA GBIA. Lo yeke zö dukani na ndö ti gbalaka so ayeke na dawa ti KOTA GBIA. Lege so Salomon ahunzi ti sara kota da ti KOTA GBIA laa.

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

Néhémie 8:17

Azo so kue abongbi kâ, ala so alondo na kodro wande, na ndo so a gbu ala lani si a gue na ala daa si ala kiri so, ala sara akpangba si aduti na gbe ni. So ayeke ngoi so azo asara ngia mingi, ngbanga ti so, ti londo na ngoi ti Josué, molenge ti Nune, ngbii asi na lango so, azo ti Israel akiri asara matanga ti Akpangba pepe.

Sigingo 34:22

“Fade ala yeke sara matanga ti ale ti kobe na ndembe so ala yeke fâ akozo le ti *ble. Na hunzingo ti ngu, fade ala yeke sara matanga ti ale ti kobe ni.

Sigingo 34:23

“Na ya ti ngu oko oko, fade akoli kue ti mara ti ala ayeke ga fani ota na dawa ti mbi Kota Gbia, NZAPA ti Israel.

Ezekiel 45:17

Kua ti makonzi ni ayeke titene lo mu sandaga so a yeke gbi ni kue na wâ, asandaga ti ale ti kobe nga na sandaga ti samba na ngoi ti amatanga; na lango ti matanga ti fini nze, na *lango ti wungo tere nga na amatanga kue ti azo ti Israel. Fade makonzi ayeke mu sandaga titene Nzapa azi sioni na li ti azo, asandaga nde nde, sandaga so a yeke gbi ni kue na wâ nga na asandaga ti beoko titene Nzapa azi sioni na li ti azo ti Israel.”

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.