2 Mbai 8:12 - Mbeti ti Nzapa - Tënë so amu fini

¹² Tongaso, Salomon amu *asandaga so a yeke gbi ni kue na wâ na KOTA GBIA na ndö ti gbalaka so lo sara ndali ti KOTA GBIA na dawa ti yanga ti kubu so a yeke hon daa ti li na ya ti kota da ti Nzapa.

2 Mbai 8:12 ပူးပေါင်းရင်းမြစ်များ

1 Mbai 28:17

na nengo ti afurshete ti kpongo na kasa, adu ti sembe na akopo so a sara na lôro ti nzoni ni, akota sembe so a sara na lôro nga na wen ti nginza, alingbi na kua ti sembe oko oko.

2 Mbai 1:6

Kâ, Salomon ague na tere ti gbalaka ti bengba wen, na dawa ti KOTA GBIA, nduru na da ti bongo so KOTA GBIA na azo ti lo ayeke wara tere daa; lo ya anyama saki oko na *sandaga so a yeke gbi ni kue na wâ.

2 Mbai 15:8

So Asa ama atënë so nga na tënë so wayanga-Nzapa Oded atene na peko ti yanga ti Nzapa, lo wara ngangu si lo zi ayanda so ayeke na sese ti Juda na ti Benjamin; lo zi nga ayanda so ayeke na ya ti agbata so lo mu na bira si ayeke na sese ti Efraim, ndo so ahoto ayeke daa. Na pekoni, lo leke gbalaka ti KOTA GBIA so ayeke na dawa ti kubu so azo ayeke hon daa ti li na ya ti kota da ti Nzapa.

2 Mbai 4:1

A sara gbalaka na bengba wen; yongoro ti gbalaka ni ayeke metere baleoko, nduru ni ayeke metere baleoko, yongo ni na nduzu ayeke metere oku.

Ezekiel 45:17

Kua ti makonzi ni ayeke titene lo mu sandaga so a yeke gbi ni kue na wâ, asandaga ti ale ti kobe nga na sandaga ti samba na ngoi ti amatanga; na lango ti matanga ti fini nze, na *lango ti wungo tere nga na amatanga kue ti azo ti Israel. Fade makonzi ayeke mu sandaga titene Nzapa azi sioni na li ti azo, asandaga nde nde, sandaga so a yeke gbi ni kue na wâ nga na asandaga ti beoko titene Nzapa azi sioni na li ti azo ti Israel.”

Ezekiel 8:16

Lo mu mbi, lo gue na mbi na ya ti gbagba ti kota da ti lo. Na yanga ti ndo so ayeke nde si ayeke nzoni kue, ambeni koli so li ti ala nduru na baleuse na oku aluti na popo ti ya ti gbagba ni na gbalaka. Ala zia peko ti ala na ndo so ayeke nde si ayeke nzoni kue so si ala yeke baa ndo na mbage so lâ ayeke londo daa. Ala yeke kuku akpo li ti ala na sese ti voro lâ.

Joël 2:17

Ayeke nzoni awayango-sandaga so ayeke sara kua ti *KOTA GBIA, ala luti na popo ti yanga ti da na gbalaka, ala toto. Ala voro tere ti ala na Nzapa, atene: “KOTA GBIA, baa mawa ti azo ti mo, sara si kamene agbu le ti azo ti mo pepe si amara nde ahe ala pepe. Ngbanga ti nyen si azo alingbi ti tene na popo ti amara nde, atene: ‘Nzapa ti ala ni ayeke na ndo wa?’ ”

Jean 10:23

Na ya ti kota da ti Nzapa, Jésus ayeke tambula, lo si kâ, lo si ge na gbe ti veranda so a iri ni Veranda ti Salomon.