2 Mbai 7:9 - Mbeti ti Nzapa - Tënë so amu fini

⁹ Na lango miombe ni, ala sara mbeni kota bongbi. Ala sara matanga ti zia gbalaka nde ndali ti Nzapa na ya ti lango mbarambara; na pekoni, ala kiri asara matanga ti Akpangba ni na ya ti lango mbarambara.

2 Mbai 7:9 ပူးပေါင်းရင်းမြစ်များ

1 Agbia 8:2

Azo ti Israel kue abongbi na tere ti gbia Salomon na nze ti Etanim ti sara matanga; Etanim ayeke nze mbarambara ni.

1 Agbia 8:65

Na ngoi ni so, Salomon na azo ti Israel so kue ayeke na tere ti lo asara matanga ti Akpangba. Azo ni ayeke gbani, ala londo na ando nde nde laa aga: ti londo na sese ti Lebo-Hamat, na mbage ti Banga ngbii asi na ngu ti Ezipte, na mbage ti Mbongo. Ala sara matanga ni na dawa ti KOTA GBIA na ya ti lango mbarambara; na pekoni, ala kiri asara matanga ni na ya ti lango mbarambara, so ti tene kue lango baleoko na osio.

2 Mbai 30:23

Na pekoni, bongbi ti azo ni kue ama tere titene ala kiri asara matanga ni na ya ti lango mbarambara. Nilaa ala kiri asara matanga ni na ngia na ya ti lango mbarambara.

2 Mbai 7:10

Na pekoni, na lango baleuse na ota ti nze mbarambara ni, gbia azia lege na azo ti kiri na da ti ala. Na kiringo ti ala, tere ti ala anzere, be ti ala gi na ngia ndali ti nzoni so KOTA GBIA asara lani na David, na Salomon nga na azo ti Israel, azo ti lo.

Néhémie 8:18

Na ya ti alango ni so oko oko kue, ti londo na kozo lango ti matanga ni ngbii asi na ndangba lango ni, mbeni zo ayeke diko mbeti ti Ndia ti Nzapa. Matanga ni asara lango mbarambara. Na lango miombe ni, ala sara mbeni kota bongbi ti hunzi na matanga ni tongana ti so ndia afa.

Sigingo 29:37

Fade ala yeke mu lango mbarambara ti sara na matanga so. Na pekoni, ala yeke zia gbalaka ni nde ndali ti mbi. Tongaso gbalaka ni ayeke ga mbeni ye so ayeke nde si ayeke nzoni kue ahon atanga ni. Zo so kue wala ye so kue ayeke ndu gbalaka ni ayeke wara ye ti peko ni.”

Joël 1:14

Ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa; ala bongbi *akangba na azo ti kodro kue na ya ti da ti *KOTA GBIA, Nzapa ti ala, ala dekongo na lo.

Awayango-sandaga 23:36

Na ya ti lango oko oko ti yenga ni, ala yeke ya na mbi KOTA GBIA *sandaga so a yeke zö ni kue na wâ. Na lango miombe ni, ala yeke bongbi ti voro mbi si ala yeke ya na mbi sandaga so a yeke zö ni kue na wâ. So ndangba lango ti matanga ni laa; kua so ala yeke sara lakue, ala yeke sara ni pepe.

Wungo ti azo 7:10

Na lango so a tuku mafuta na ndö ti gbalaka ni ti zia ni nde ndali ti Nzapa, amakonzi aga na amatabisi ndali ti matanga ti gbalaka ni. Ala ga na amatabisi ni na dawa ti gbalaka ni.

Ndia ti fani use ni 16:8

Na ya ti lango omene, ala yeke te mapa so a sara na mama ni pepe. Na lango mbarambara ni, ala yeke sara matanga ndali ti KOTA GBIA Nzapa ti ala; ala yeke sara kua pepe.