2 Mbai 7:8 - Mbeti ti Nzapa - Tënë so amu fini

⁸ Na ngoi ni so, Salomon asara matanga ti Akpangba na ya ti lango mbarambara, lo na azo ti Israel kue. Azo ayeke gbani gbani; ala londo na ando nde nde laa aga: ti londo na sese ti Lebo-Hamat, na mbage ti Banga ngbii asi na ngu ti Ezipte, na mbage ti Mbongo.

2 Mbai 7:8 ပူးပေါင်းရင်းမြစ်များ

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

1 Agbia 8:2

Azo ti Israel kue abongbi na tere ti gbia Salomon na nze ti Etanim ti sara matanga; Etanim ayeke nze mbarambara ni.

1 Agbia 8:65

Na ngoi ni so, Salomon na azo ti Israel so kue ayeke na tere ti lo asara matanga ti Akpangba. Azo ni ayeke gbani, ala londo na ando nde nde laa aga: ti londo na sese ti Lebo-Hamat, na mbage ti Banga ngbii asi na ngu ti Ezipte, na mbage ti Mbongo. Ala sara matanga ni na dawa ti KOTA GBIA na ya ti lango mbarambara; na pekoni, ala kiri asara matanga ni na ya ti lango mbarambara, so ti tene kue lango baleoko na osio.

2 Mbai 30:13

Gba ti azo abongbi na Jérusalem na ya ti use nze ni ti sara matanga ti Mapa so a sara na mama ni pepe. Azo so abongbi so ayeke gbani gbani ahon ndoni.

2 Mbai 30:26

Ngia ti azo ti Jérusalem ahon ndoni, ngbanga ti so ngbene ye na ngoi ti Salomon, molenge ti David, gbia ti Israel, ade ti sara mbeni matanga tongaso na Jérusalem pepe.

2 Mbai 5:3

Azo ti Israel kue abongbi na tere ti gbia ti sara matanga ti nze mbarambara ni.

Ezekiel 45:25

“Ti matanga so ayeke to nda ni na lango baleoko na oku ti nze mbarambara ni, makonzi ni ayeke mu gi a-oko sandaga tongana ti matanga ti Pake; na ya ti lango mbarambara, lo yeke mu gi oko sandaga ni titene Nzapa azi sioni na li ti azo; lo yeke mu gi oko sandaga so a yeke gbi ni kue na wâ; lo yeke mu gi oko ble na mafuta ni.”

Ezekiel 47:20

Na mbage ti Do, yanga ti kota ngu-ingo ti Mediterane ayeke katikati ti ala laa, alondo na mbage ti Mbongo ague ngbii asi na Hamat na mbage ti Banga. So katikati ni na mbage ti Do laa.

Amos 6:14

Me ti mbi, fade mbi yeke tokua na tere ti ala, azo ti Israel, mbeni mara ti sara ngangu na ala, ti londo na Banga ti Lebo-Hamat ngbii asi na tere ti kota ngu ti Gba-ti-ingo, na mbage ti Mbongo; so tënë ti yanga ti KOTA GBIA, Nzapa so ayeke na ndö ti dunia kue laa.

Jean 7:2

Matanga ti azuife so ayeke matanga ti Akpangba aga nduru awe.