2 Mbai 7:7 - Mbeti ti Nzapa - Tënë so amu fini

⁷ Salomon azia nde ndali ti Nzapa ya ti gbagba so ayeke na dawa ti kota da ti KOTA GBIA. Na ndo so laa lo mu asandaga so a yeke gbi ni kue na wâ, mafuta ti anyama so a yeke mu na sandaga ti beoko, asandaga ti ale ti kobe, ngbanga ti so gbalaka so lani Salomon asara na bengba wen alingbi pepe titene a zia asandaga ni kue na ndö ni.

2 Mbai 7:7 ပူးပေါင်းရင်းမြစ်များ

2 Mbai 36:14

Amakonzi kue ti awayango-sandaga na amakonzi ti azo ti kodro akiri asara sioni mingi ahon ndoni. Ala mu gi peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ala sara si kota da ti KOTA GBIA aga *sioni, da so KOTA GBIA azia nde ndali ti lo si ayeke na Jérusalem so.

2 Mbai 4:1

A sara gbalaka na bengba wen; yongoro ti gbalaka ni ayeke metere baleoko, nduru ni ayeke metere baleoko, yongo ni na nduzu ayeke metere oku.

Wungo ti azo 29:39

“So ayeke asandaga so alingbi ala mu na KOTA GBIA na lango ti amatanga laa. Na tere ti asandaga so, ala lingbi ti mu nga sandaga so ala mu na be ti ala wani, sandaga so a yeke gbi ni kue na wâ, sandaga ti farini, sandaga ti samba nga na sandaga ti beoko; so kue ndali ti dengo ba ti yanga so ala de.”