2 Mbai 7:5 - Mbeti ti Nzapa - Tënë so amu fini

⁵ Gbia Salomon amu sandaga ti abagara saki baleuse na use, ataba na angasa saki ngbangbo oko na baleuse. Lege so gbia na azo ni kue asara matanga ti ziango kota da ni nde ndali ti Nzapa laa.

2 Mbai 7:5 ပူးပေါင်းရင်းမြစ်များ

1 Mbai 29:21

Lango oko na pekoni, ala ya na *KOTA GBIA *asandaga ti beoko na asandaga so a yeke gbi ni kue na wâ. Ala mu akoli-bagara 1 000, akoli-taba 1 000, akete taba 1 000 si ala mu asandaga ti samba so alingbi na ni. Ala mu gba ti asandaga alingbi na wungo ti azo ti Israel kue.

2 Mbai 1:6

Kâ, Salomon ague na tere ti gbalaka ti bengba wen, na dawa ti KOTA GBIA, nduru na da ti bongo so KOTA GBIA na azo ti lo ayeke wara tere daa; lo ya anyama saki oko na *sandaga so a yeke gbi ni kue na wâ.

2 Mbai 15:11

Na lango ni so, anyama so ala gbu na peko ti bira si ala gue na ni, ala mu na *sandaga na KOTA GBIA: abagara ngbangbo mbarambara, ataba na angasa saki mbarambara.

2 Mbai 2:4

Da so mbi ye ti sara so ayeke duti kota da, ngbanga ti so Nzapa ti e ayeke kota ahon anzapa kue.

2 Mbai 30:24

Andaa Ezekias, gbia ti Juda amu akoli-bagara saki oko na ataba saki mbarambara ndali ti bongbi ti azo ni. Amakonzi amu akoli-bagara saki oko na ataba saki baleoko ndali ti azo ni. Awayango-sandaga mingi asukula sioni ti ala.

2 Mbai 5:6

Gbia Salomon na azo ti Israel so kue abongbi na tere ti lo na dawa ti sanduku ni, amu gba ti ataba na angasa nga na gba ti abagara na *sandaga; zo alingbi ti diko ala pepe wala ti hinga wungo ti ala pepe.

2 Mbai 7:4

Gbia na azo ni kue amu asandaga na dawa ti KOTA GBIA.

2 Mbai 7:6

Awayango-sandaga aluti na ndo ti kua ti ala; azo ti mara ti Lévi aluti nga si ala yeke pika aye ti mozoko so David aleke ndali ti KOTA GBIA; ala yeke sepela KOTA GBIA, alingbi na bia so David azia na ala; ala tene: “Biani, nzoni be ti lo angba kpu na kpu!” Awayango-sandaga aluti na dawa ti ala si ala yeke huru atatalita; azo ti Israel kue aluti na nduzu.

Ezekiel 45:17

Kua ti makonzi ni ayeke titene lo mu sandaga so a yeke gbi ni kue na wâ, asandaga ti ale ti kobe nga na sandaga ti samba na ngoi ti amatanga; na lango ti matanga ti fini nze, na *lango ti wungo tere nga na amatanga kue ti azo ti Israel. Fade makonzi ayeke mu sandaga titene Nzapa azi sioni na li ti azo, asandaga nde nde, sandaga so a yeke gbi ni kue na wâ nga na asandaga ti beoko titene Nzapa azi sioni na li ti azo ti Israel.”

Mishe 6:7

Akoli-taba gbani gbani laa KOTA GBIA ayeke ye tënë ni? Gba ti mafuta so ayeke sua tongana kota ngu? Fade mbi mu kozo molenge ti mbi na sandaga ndali ti sarango ye ti kirikiri ti mbi? Mbi mu molenge ti ya ti mbi wani ndali ti siokpari ti mbi?”

Wungo ti azo 7:10

Na lango so a tuku mafuta na ndö ti gbalaka ni ti zia ni nde ndali ti Nzapa, amakonzi aga na amatabisi ndali ti matanga ti gbalaka ni. Ala ga na amatabisi ni na dawa ti gbalaka ni.

Jean 10:22

Ngoi ti de asi awe. Na Jérusalem, azo ayeke sara matanga ti ziango kota da ti Nzapa nde.