2 Mbai 7:3 - Mbeti ti Nzapa - Tënë so amu fini

³ Azo ti Israel kue abaa wâ so alondo na yayu azu si gonda ti KOTA GBIA asi singo na ya ti kota da ni. Ala kuku akpo li ti ala na sese so a leke pendere pendere na têne; ala sepela KOTA GBIA, atene: “Biani, lo yeke nzoni; nzoni be ti lo angba kpu na kpu!”

2 Mbai 7:3 ပူးပေါင်းရင်းမြစ်များ

1 Agbia 18:39

So azo ti Israel abaa ye ni so, ala ti akpo li ti ala na sese si ala tene: “KOTA GBIA laa ayeke taa Nzapa! KOTA GBIA ayeke taa Nzapa!”

1 Mbai 16:34

Ala sepela KOTA GBIA, ngbanga ti so lo yeke nzoni, nzoni be ti lo angba kpu na kpu!

1 Mbai 16:41

Na tere ti ala, lo zia Heman na Yedutun, ala na ambeni koli so a soro ala gi titene ala mu singila na KOTA GBIA: biani, nzoni be ti lo angba kpu na kpu!

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

2 Mbai 20:18

Yosafat akuku, akpo li ti lo na sese. Azo ti Jérusalem kue na azo ti Juda akuku nga na sese na dawa ti KOTA GBIA ti voro lo.

2 Mbai 20:21

Na pekoni, Yosafat na azo ni ama tere si lo zia azo ti hengo bia ti mu li ti tambula ti aturugu; ala yu bongo so a zia nde ndali ti KOTA GBIA si ala yeke he bia ti sepela na lo, atene: “Ala sepela KOTA GBIA, ngbanga ti so nzoni be ti lo angba kpu na kpu!”

2 Mbai 29:28

Bongbi ti azo kue angba ti kuku na sese na ndembe so azo angba ti he bia, ala yeke huru tatalita ngbii mungo sandaga ni ahunzi.

2 Mbai 29:29

So ala mu sandaga ni kue awe, gbia na azo so ayeke na tere ti lo akuku, akpo li ti ala na sese.

2 Mbai 29:30

Na pekoni, gbia Ezekias na amakonzi atene na azo ti mara ti Lévi ti he bia ti sepela KOTA GBIA na lege ti abia so David na Asaf, zo ti bango nda ti aye aleke ando so. Azo ti mara ti Lévi asepela KOTA GBIA na ngia, na pekoni ala kuku, akpo li ti ala na sese.

2 Mbai 5:13

Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

Esdras 3:11

Ala gonda KOTA GBIA na lege ti bia si ala mu singila na lo; ambeni ahe bia ni si ambeni akiri peko ti bia ni, atene: “KOTA GBIA ayeke nzoni, nzoni be ti lo angba ndali ti azo ti Israel kpu na kpu!” Azo kue asepela nga KOTA GBIA, ala dekongo ngangu, ngbanga ti so a lu gere ti kota da ti KOTA GBIA awe.

Abia (Psaumes) 100:5

Biani, KOTA GBIA ayeke nzoni, nzoni be ti lo angba kpu na kpu; lo ngba ti sara ye alingbi na tënë ti yanga ti lo ngu na ngu.

Abia (Psaumes) 103:17

Me nzoni be ti KOTA GBIA angba ngbene ye kpu na kpu, lakue lakue ndali ti azo so akpe mbeto ti lo. Lo ngba ti sara ye ti mbirimbiri na amolenge ti amolenge ti ala,

Abia (Psaumes) 106:1

Aleluya! Ala sepela *KOTA GBIA, ngbanga ti so lo yeke nzoni, nzoni be ti lo angba kpu na kpu!

Abia (Psaumes) 107:1

Ala sepela *KOTA GBIA, ngbanga ti so lo yeke nzoni, nzoni be ti lo angba kpu na kpu!

Abia (Psaumes) 118:1

Ala mu singila na *KOTA GBIA ngbanga ti so lo yeke nzoni. Biani, nzoni be ti lo angba kpu na kpu!

Abia (Psaumes) 95:6

Ala li, e kuku, e kpo li ti e na sese, e voro lo; e kuku na gbe ti KOTA GBIA, lo so lo sara e.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Ésaïe 63:7

Fade mbi yeke dabe ti azo na nzoni be ti *KOTA GBIA, mbi yeke fa nda ni so azo alingbi ti sepela lo: anzoni ye so kue lo sara na e, akota nzoni ye so lo sara na azo ti Israel, aye so kue lo sara na lege ti ndoye, na lege ti kota nzoni be ti lo.

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Awayango-sandaga 9:24

Mbeni wâ asigigi na dawa ti KOTA GBIA si agbi sandaga so a yeke gbi ni kue na wâ nga na akasa ti mafuta so ayeke na ndö ti gbalaka ni. Azo kue abaa ni, ala dekongo na ngia si ala ti akpo li ti ala na sese.

Wungo ti azo 14:5

Moïse na Aaron ati akpo li ti ala na sese na dawa ti bongbi ti azo ti Israel ni kue.

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Nzoni Tënë so Luc asu na mbeti 1:50

Lo yeke sara nzoni be kpu na kpu na azo so akpe mbeto ti lo.