2 Mbai 7:22 - Mbeti ti Nzapa - Tënë so amu fini

²² Fade a yeke kiri tënë na lo, atene: ‘Ye ni asi tongaso, ngbanga ti so azo ti Israel azia KOTA GBIA, Nzapa ti akotara ti ala, lo so lo sara si akotara ti ala ni asigigi na sese ti Ezipte. KOTA GBIA asara si aye ti ngangu so asi na ala, ngbanga ti so ala mu peko ti ambeni nzapa nde, ala kuku na gbe ti anzapa ni si ala voro ala.’ ”

2 Mbai 7:22 ပူးပေါင်းရင်းမြစ်များ

2 Mbai 36:17

Tongaso, KOTA GBIA atokua gbia ti Babilone na tere ti ala; gbia ni afâ amaseka ti Israel taa na ndo ti ala so ayeke nde si ayeke nzoni kue. Maseka-koli wala maseka-wali wala kangba wala mbakoro, lo baa mawa ti zo oko pepe. KOTA GBIA azia ala kue na maboko ti gbia ni.

Jérémie 1:16

Mbi yeke fâ ngbanga na li ti azo ti Juda ndali ti asioni sarango ye ti ala. Biani, ala zia mbi awe, ala zö dukani na anzapa nde, ala kuku ti voro ye so maboko ti ala wani asara.

Jérémie 16:11

Tongaso, fade mo yeke kiri tënë: ‘So tënë ti yanga ti KOTA GBIA laa: Kota kpale ni ayeke ti na ndö ti ala, ngbanga ti so akotara ti ala ado mbi, azia, ala mu peko ti anzapa nde ti voro ala, ala ti akpo li ti ala na sese na gbe ti ala. Me mbi, akotara ti ala ni ado mbi, azia, ala ke ti sara ye alingbi na ye so mbi fa na ala.

Jérémie 22:5

Me tongana ala, azo ti Juda, ala ma tënë so pepe – mbi KOTA GBIA, mbi deba na iri ti mbi wani – fade yangbo so ayeke ga ndo ti gba ti atêne; so tënë ti yanga ti KOTA GBIA laa.”

Ezekiel 14:23

Na bango dutingo ti azo ni nga na sarango ye ti ala, fade be ti ala, azo ti Israel, ayeke de. Tongaso, fade ala yeke hinga atene, aye so kue mbi sara na Jérusalem so, mbi sara ni senge pepe, nda ni ayeke daa. So tënë ti yanga ti Kota Gbia NZAPA laa.”

Daniel 9:12

Atënë so mo tene ando na ndö ti e na amakonzi so ayeke na li ti e, mo sara si aga taa-tënë: kota sioni kpale so mo sara si ati na ndö ti e na Jérusalem, ade mara ni asi na mbeni ndo laoko pepe na dunia so.