2 Mbai 7:16 - Mbeti ti Nzapa - Tënë so amu fini

¹⁶ Mbi soro da so si mbi zia ni nde ndali ti mbi titene iri ti mbi angba na ndö ni kpu na kpu. Fade le ti mbi na nzoni be ti mbi ayeke ngba na ndö ni lakue.

2 Mbai 7:16 ပူးပေါင်းရင်းမြစ်များ

1 Agbia 8:16

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi; me mbi soro David titene lo sara komandema na ndö ti Israel, azo ti mbi.’

1 Agbia 8:35

“Tongana le ti nduzu akanga si ngu-Nzapa apika pepe, ngbanga ti so azo ti Israel asara siokpari so ake mo, tongana ala baa ndo na mbage ti da so ti sambela mo, tongana ala sepela mo si ala zia lege ti siokpari ti ala, ngbanga ti so mo sara ngangu na ala,

1 Agbia 8:44

“Tongana azo ti mo ague ti tiri bira na awato ti ala na ndo so mo ye ti tokua ala daa, tongana ala baa ndo na mbage ti gbata so ti sambela mo KOTA GBIA, so ti tene gbata so mo soro; tongana ala baa ndo na mbage ti kota da so mbi sara ndali ti mo,

1 Agbia 8:48

tongana ala kiri na mbage ti mo na be ti ala kue, na yingo ti ala kue na ya ti kodro so awato ti ala agbu ala si ague na ala daa, tongana ala baa ndo na mbage ti kodro so mo mu ando na akotara ti ala, wala ala baa ndo na mbage ti gbata so mo soro nga na mbage ti da so mbi sara ndali ti mo, tongana ala sambela mo,

1 Agbia 9:3

KOTA GBIA atene na lo: “Mbi ma sambela ti mo na vorongo tere ti mo awe. Kota da so mo sara so, mbi zia ni nde ndali ti mbi titene mbi duti daa kpu na kpu na popo ti ala. Fade le ti mbi na nzoni be ti mbi ayeke ngba daa lakue.

2 Agbia 21:4

Lo sara agbalaka ndali ti anzapa nde na ya ti kota da ti KOTA GBIA na Jérusalem, da so KOTA GBIA atene tënë ndali ni, atene: “Fade mbi yeke sara titene iri ti mbi aduti kâ.”

2 Mbai 30:8

Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

2 Mbai 6:20

Zi le ti mo bi na lâ ti baa ndo na tere ti kota da so, ndo so mo tene, mo yeke duti daa. Ma sambela so mbi, zo ti kua ti mo, mbi yeke ya na mo na ndo so.

2 Mbai 7:12

KOTA GBIA asi na lo na bi si atene na lo: “Mbi ma sambela ti mo awe; mbi soro ndo so ndali ti mbi titene a sara da ti mungo asandaga daa.

2 Mbai 7:15

Fadeso, mbi zi le ti mbi awe, mbi dingi mê ti mbi ti ma sambela so azo ayeke sara na ndo so.

2 Mbai 7:17

Ti mo, tongana mo tambula na dawa ti mbi tongana ti so babâ ti mo David asara lani, tongana mo sara ye so kue alingbi na yanga so mbi mu na mo, tongana mo sara ye alingbi na andia ti mbi nga na aye so mbi fa,

Abia (Psaumes) 132:13

Biani, KOTA GBIA asoro hoto ti Sion awe, lo ye titene hoto ni aga ndo ti duti ti lo.

Abia (Psaumes) 132:14

Lo tene: “So ayeke ndo ti wungo tere ti mbi kpu na kpu; ndo ti dutingo ti mbi laa, ndo so mbi ye laa.

Zakarii 3:2

Ange ti KOTA GBIA atene na Satan: “Satan, ayeke nzoni KOTA GBIA akanga yanga ti mo! Biani, ayeke nzoni KOTA GBIA akanga yanga ti mo; lo so lo soro Jérusalem so. Ti Yeshua, lo yeke tongana mbeni nduru keke ti wâ so a gboto ni na le ti wâ asigigi na ni awe pepe?”

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Ndia ti fani use ni 12:21

Tongana ala lango ayo na ndo so KOTA GBIA Nzapa ti ala asoro titene iri ti lo aduti daa, fade ala lingbi ti fâ bagara, taba wala ngasa so KOTA GBIA amu na ala. Tongaso, fade ala yeke te nyama alingbi na ti so be ti ala aye, alingbi na yanga so mbi mu na ala.

Ndia ti fani use ni 16:11

Ala yeke gue na ndo so KOTA GBIA Nzapa ti ala ayeke soro titene iri ti lo aduti daa. Kâ, ala yeke sara ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti gbata ti ala, azo ti Israel, na awande, anyindu nga na awali-mua so ayeke na popo ti ala.

Kolose 2:9

Biani, Nzapa aduti kue kue kue na ya ti tere ti Christ so aga zo.