2 Mbai 7:1 - Mbeti ti Nzapa - Tënë so amu fini

¹ So Salomon ahunzi ti sambela awe, mbeni wâ alondo na yayu agbi *sandaga so a yeke gbi ni kue na wâ nga na asandaga ti beoko si gonda ti *KOTA GBIA asi singo na ya ti kota da ti Nzapa.

2 Mbai 7:1 ပူးပေါင်းရင်းမြစ်များ

Tongo nda ti aye 15:17

So lâ akui awe, na bi ni so ndo avuko pitipiti, mbeni kota wâ so ayeke za si guru ayeke sigigi daa ahon na popo ti ambage ti anyama so lo suru ya ti ala so.

1 Agbia 18:24

Na pekoni, fade ala sambela nzapa ti ala; mbi nga, mbi sambela KOTA GBIA. Nzapa so ayeke kiri tënë na lege ti wâ, lo laa lo yeke taa Nzapa.” Azo ni kue atene: “So nzoni!”

1 Agbia 18:38

Tongaso wâ ti KOTA GBIA alondo na nduzu ati; wâ ni agbi sandaga ni, akeke ni, atêne ni na fuku ti sese ni. Wâ ni asara si ngu so ayeke na ya ti du ni ahole.

1 Agbia 9:1

So Salomon ahunzi ti sara kota da ti *KOTA GBIA na yangbo ti lo wani si lo hunzi nga ti sara aye so kue be ti lo aye awe,

1 Mbai 21:26

Lo sara gbalaka na ndo ni ndali ti KOTA GBIA; lo zia na ndö ni sandaga so a yeke gbi ni kue na wâ nga na sandaga ti beoko. Na pekoni, lo sambela KOTA GBIA si lo kiri tënë na lo na lege so lo tokua wâ so alondo na yayu, ati na ndö ti sandaga ni si agbi ni.

Abia (Psaumes) 26:8

KOTA GBIA, mbi ye kota da ti mo so mo yeke duti na ya ni; mbi ye ndo ti mo so gonda ti mo ayeke na ya ni.

Sigingo 19:18

Guru ti wâ amu ndö ti hoto ti Sinai kue, ngbanga ti so KOTA GBIA azu na ndö ti hoto ni na ya ti wâ. Guru ni alondo tongana guru ti wâ ti mbeni fur; hoto ni kue ado ngangu mingi.

Sigingo 29:43

“Mbi yeke wara azo ti Israel na ndo so; gonda ti mbi ayeke sara si ndo ni ayeke duti nde si aduti nzoni kue.

Ésaïe 65:24

Kozo titene ala di iri ti mbi, mbi, mbi yeke kiri tënë na ala; tënë angba ngbango na yanga ti ala, mbi ma ala awe.

Ezekiel 43:5

Tongaso, yingo ti Nzapa ayo mbi, ague na mbi na ya ti gbagba ti kota da ni ti ya ni. Mbi baa gonda ti KOTA GBIA asi singo na ya ti kota da ni.

Ezekiel 44:4

Koli ni amu mbi, ague na mbi na yanga ti gbagba ni ti mbage ti Banga, na dawa ti kota da ni. Mbi baa ndo si mbi baa gonda ti KOTA GBIA asi singo na ya ti kota da ni. Mbi kuku, mbi kpo li ti mbi na sese.

Daniel 9:20

“Mbi ngba ti tene tënë, ti sambela si ti fa siokpari ti mbi na ti azo ti mbi so ayeke azo ti Israel; mbi ngba ti voro tere ti mbi na KOTA GBIA Nzapa ti mbi ndali ti hoto ti lo so ayeke nde si ayeke nzoni kue.

Malashii 3:4

Tongaso, aye so azo ti Juda na azo ti Jérusalem ayeke mu na KOTA GBIA ayeke nzere na be ti lo tongana ti giriri, tongana ti angu so ahon ando so.

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.

Awafango-ngbanga 6:21

Tongaso ange ti KOTA GBIA ayeke na nduru keke na maboko ti lo; lo ndu kasa nga na mapa ni na keke ni. Wâ alondo na ya ti têne ni si agbi kasa ni nga na mapa ni kue. Na pekoni ange ni ahon, Gédéon akiri abaa lo pepe.